Nisma “Thurje”, Partia Republikane, Lëvizja për Zhvillim Kombëtar dhe Partia Agrare Ambientaliste kanë nisur një fushatë për të ndryshuar sistemin zgjedhor në Shqipëri përmes mbajtjes së një referendumi.
Në fokus të propozimeve është aplikimi i një Sistemi Zgjedhor Proporcional me katër ose më pak zona zgjedhore.
4 partitë kërkojnë gjithashtu ndryshimin e formulës së shpërndarjes së mandateve me qëllim që të garantohet një përfaqësim më i drejtë i vullnetit të zgjedhësve.
Lista të hapura dhe garantimi i votës së diasporës janë pjesë gjithashtu e një pakete prej 12 pikash.
Dashamir Shehi ka folur, në studion e A2 CNN ku ka kritikuar sistemin zgjedhor, në Shqipëri, duke e cilësuar si shumë penalizues.
