Kampionati Europian për moshat deri në 19 vjeç, po zhvillon këtë të martë, ndeshjet e dyta të turneut. Njëra prej tyre ishte sfida mes kombëtareve U19, të Norvegjisë dhe Greqisë.
Nordikët, u zbavitën jashtë mase, kryesisht në pjesën e parë, duke triumfuar ndaj helenëve, me rezultatin 5-4.
Seria e golave u hap që në minutën e 6’, falë Roaldsoy, i cili nuk e patri të vështirë, që të mposhtë portierin grek.
Pas 9 minutash, nga goli i parë, Norvegjia dyfishoi shifrat me anë të një goditje dënimi brenda zonës, të transformuar në gol, nga Odegard.
Greqia, nuk e mori veten nga këto gola, duke pësuar përsëri, në minutën e 18’, me Flataker që gjeti golin e tij të parë në këtë turne.
Skogvold, në minutën e 36’, mposhti përsëri portierin kundërshtar, duke shënuar me një goditje delikate.
Në fund të pjesës së parë, Norvegjia realizoi përsëri me anë të Odegard, duke i dërguar skuadrat në dhomat e zhveshjes me rezultatin e thellë 5-0.
Në pjesën e dytë, Greqia zbriti në fushë, me qëllimin për të limituar dëmet si dhe për të zbutur sado pak këtë turpërim. Në minutën e 52’, helenët shkurtuan diferencat me Tzimas, i cili gjeti trekëndëshin e portës së mbrojtur nga portieri Magnus Ree.
Në minutat e fundit të ndeshjes, Greqia “e zbuti me sukses” shijen e humbjes, duke realizuar dy gola, me autorë, Stavropoulos (79’) dhe Tzimas (81’).
Hovi i grekëve, e trembi disi, Norvegjinë, e cila, në minutat e fundit, përqendroi forcat e saj në mbrojtjen e rezultatit.
Në minutën e 94′, Greqia shënoi dhe golin e katërt me anë të Kalogeropoulos, megjithatë, nuk kishte kohë për të barazuar shifrat.
Me këtë fitore, Norvegjia merr tre pikët e para, në këtë turne, duke u pozicionuar provizorisht në vendin e parë, në pritje të duelit të mbrëmjes, mes Islandës e Spanjës./m.b /gijotina.com
