Përbërësit për Spinaq me veze në furrë:
- 1/2 kg spinaq
- 2 vezë,
- 1 lugë gjalpë,
- pak pana ose beshamele (sipas dëshirës),
- kripë e piper.
Përgatitja e Spinaqit me veze në furrë:
Lajmë e presim në copa spinaqin e më pas i japim një vale me ujin e vetë. I shtojmë gjalpin, kripën e piperin dhe e përziejme që të trazohen shijet. Shtojmë panen ose beshamelen dhe pasi e përziejmë, bëjmë 2 hapësira të cekëta ku vemë vezët por pa i çarë të verdhat. Mbi vezë shtojmë kripë e piper e po dëshiruam edhe pak djath të grire. E fusim ne furrë për rreth 20 minuta ne 180°, derisa të mpiksen vezët. Shërbehet e ngrohtë.
