Një aksident i rëndë ndodhi orët e vona të së mërkurës në Lezhë. Dy makina u përplasën me njëra-tjetrën, e për pasojë humbi jetën një prej pasagjerëve.
Viktima është Ndue Lleshi 79 vjeç, nga Mirdita. Ngjarja e rëndë ndodhi në mesnatë, në aksin rrugor Zejmen-Tale, në vendin e quajtur “Ura e Prekanit”.
Viktima udhëtonte në një makinë që drejtohej nga djali i tij, Frederik Lleshi 53 vjeç. Ai mbeti i plagosur rëndë dhe ndodhet në spitalin e Traumës në Tiranë. Ndërsa makina tjetër drejtohej nga 19-vjeçari Glejdis Ndoj banues në Kurbin. Ky i fundit u arrestua në flagrancë nga policia për shkelje të rregullave të qarkullimit rrugor.
19-vjeçari dyshohet se po lëvizte me shpejtësi tej normave të lejuara dhe nuk ndaloi në kryqëzim, duke shkaktuar përplasjen e fortë.
“Në mesnatë, në aksin rrugor Zejmen – Tale, në vendin e quajtur “Ura e Prekanit”, Glejdis Ndoj 19 vjeç, banues në Kurbin, duke drejtuar automjetin e tij, është përplasur me automjetin e drejtuar nga Frederik Lleshi 53 vjeç, banues në Mirditë dhe pasagjer Ndue Lleshi 79 vjeç, banues në Mirditë. Për pasojë ka humbur jetën Ndue Lleshi si dhe ndodhet në spitalin e Traumes në Tiranë për ndihmë më të specializuar mjekësore Frederik Lleshi. Drejtuesi tjetër Glejdis Ndoj është arrestuar në flagrancë për veprën penale “Shkelja e rregullave të qarkullimit rrugor”. Materialet procedurale do t’i kalojnë Prokurorisë për veprime të mëtejshme hetimore”, thuhet në një njoftim të Policisë së Lezhës.
The post Aksidenti tragjik në Lezhë, zbulohet identiteti i viktimës appeared first on 27.
