Ish-ambasadorja Yuri Kim ka reaguar me anë të një postimi në Tëitter pas largimit të saj nga Shqipëria.
Ajo shprehet se me krenari mund të thotë që ka vizituar të 61 bashkitë e vendit gjatë mandatit të saj në vendin tonë, dhe se shqiptarët e kanë pritur gjithmonë me buke e kripë e zemër të hapur.
Yuri Kim ka shprehur edhe një kërkesë, që pasardhësi i saj, të mikpritej me të njëjtën mirësi.
“Largohem pas tre vitesh e gjysmë nga Shqipëria e bukur! Me krenari them se kam vizituar të 61 bashkitë dhe kam takuar mijëra shqiptarë, të cilët më kanë pritur me bukë, kripë dhe zemër të hapur. Shpresoj që të njëjtën mirësi dhe mikpritje t’i tregoni ambasadorit të ardhshëm. Faleminderit e mirupafshim!”, ka shkruar ajo.
Yuri Kim zëvendësohet në detyrën e saj në Shqipëri nga David Kostelançik, një diplomat karriere. Ai ka shërbyer dy herë si ambasador në Rusi dhe zëvendës ambasador në Hungari, ndërsa në DASH ka drejtuar byronë për Europën Jugore si dhe zyrën për Rusinë. Në vitet 1993-1995 ai ka qenë pjesë e Ambasadës amerikane. David Kostelançik flet gjuhët e huaja, ruse, hungareze, turke dhe shqip.
Signing off after three and a half years in beautiful Albania! I am proud to say that I visited all 61 municipalities and met thousands of Albanians, who greeted me with bread, salt, and an open heart. 1/2 pic.twitter.com/UzqzgTFncU
— Ambassador Yuri Kim (@USAmbAlbania) June 26, 2023
