Të tjera detaje raportohen lidhur me zbatimin e urdhër-arresteve të lëshuara nga GJKKO ndaj Safet Gjicit, ish-kryebashkiak i Kukësit, dhe Alma.K, 40-vjeçares, e cila shfaqet në video-skandalin e regjistruar në zyrën e Kryetarit të Bashkisë Kukës, më 6 qershor 2023.
Gjici u arrestua në një lokal pranë banesës së tij në Tiranë, në zonën e njohur si “vilat gjermane”, ndërsa Alma.K u kap në Shkodër. Ndaj Gjicit është ngritur akuza e “korrupsionit pasiv”, ndërsa për Alma.K ajo e koruupsionit aktiv.
E ndërsa për Gjicin, GJKKO nuk ka kursyer prangat, duke i dhënë masën e arrestit me burg, në rastin e Alma.K, u vendos masa e sigurisë “arrest shtëpie”, ndoshta për faktin se ajo ka një fëmijë të mitur për të cilën duhet të kujdeset.
Çështja e video-skandalit vijon të hetohet për të zbuluar nëse pas përgjimit ka ose jo persona të tjerë të përfshirë.
Fillimisht u publikua një pjesë e videos, ku Gjici shfaqej duke kryer seks në zyrën e tij me personazhin Alma.K. Gjici, disa orë pas publikimit të skandalit dha dorëheqjen, ndërsa u shpreh se me vajzën ishin në një lidhje prej kohësh.
Por me publikimin e plotë të videos u pa se Gjici dhe vajza nuk kishin një lidhje afatgjatë, ndërkohë që pas pamjeve erotike, Alma.K i kërkon Gjicit aprovimin e një projekti për qentë endacakë në Bashkinë Kukës. Madje, Alma.K pohon se ka gati projektin për sterilizimin e qenve, ka gjetur një tokë, ka marrë informacione se çfarë kostosh duhen për të rrethuar tokën dhe plot detaje të tjera.
Gjici e delegon çështjen te nënkryetari i bashkisë së Kukësit, i marrë në pyetje tashmë nga SPAK, ndërkohë që gjithçka ndodhte 3 ditë para se të mblidhej Këshilli Bashkiak.
SPAK tashmë po heton çështjen nëse ka personazhe të tjerë të përfshirë në çështjen e video-skandalit, e cila sipas raportimeve është regjistruar nga vetë vajza, përmes një kamera që ajo e ka pasur në çantën që arriti ta marrë me vete në zyrën e Kryebashkiakut. Nuk dihet se si ajo ka arritur të kalojë çantën nga paradhoma në zyrën e Kreut të bashkisë, pasi sikundër është raportuar Gjici nuk lejonte as mbajtjen e aparateve celularë nga personat që hynin në zyrën e tij.
Ende nuk dihet zyrtarisht se si kanë rrjedhur pamjet nga kamera në publik dhe nëse video-regjistrimi kishte të bënte thjesht me një presion apo shantazh ndaj Gjicit për projektin e sterilizimit të qenve të rrugës, apo lidhet me të tjera çështje.
SPAK, sipas raportimeve ka zgjeruar rrethin e personave që ka marrë në pyetje dhe po i heton nëse kanë ose jo rol në çështjen në fjalë, por nuk ka informacione zyrtare nëse ka kërkuar ose jo masa sigurie ndaj tyre në GJKKO.
Të tjera detaje raportohen lidhur me zbatimin e urdhër-arresteve të lëshuara nga GJKKO ndaj Safet Gjicit, ish-kryebashkiak i Kukësit, dhe Alma.K, 40-vjeçares, e cila shfaqet në video-skandalin e regjistruar në zyrën e Kryetarit të Bashkisë Kukës, më 6 qershor 2023.
Gjici u arrestua në një lokal pranë banesës së tij në Tiranë, në zonën e njohur si “vilat gjermane”, ndërsa Alma.K u kap në Shkodër. Ndaj Gjicit është ngritur akuza e “korrupsionit pasiv”, ndërsa për Alma.K ajo e koruupsionit aktiv.
E ndërsa për Gjicin, GJKKO nuk ka kursyer prangat, duke i dhënë masën e arrestit me burg, në rastin e Alma.K, u vendos masa e sigurisë “arrest shtëpie”, ndoshta për faktin se ajo ka një fëmijë të mitur për të cilën duhet të kujdeset.
Çështja e video-skandalit vijon të hetohet për të zbuluar nëse pas përgjimit ka ose jo persona të tjerë të përfshirë.
Fillimisht u publikua një pjesë e videos, ku Gjici shfaqej duke kryer seks në zyrën e tij me personazhin Alma.K. Gjici, disa orë pas publikimit të skandalit dha dorëheqjen, ndërsa u shpreh se me vajzën ishin në një lidhje prej kohësh.
Por me publikimin e plotë të videos u pa se Gjici dhe vajza nuk kishin një lidhje afatgjatë, ndërkohë që pas pamjeve erotike, Alma.K i kërkon Gjicit aprovimin e një projekti për qentë endacakë në Bashkinë Kukës. Madje, Alma.K pohon se ka gati projektin për sterilizimin e qenve, ka gjetur një tokë, ka marrë informacione se çfarë kostosh duhen për të rrethuar tokën dhe plot detaje të tjera.
Gjici e delegon çështjen te nënkryetari i bashkisë së Kukësit, i marrë në pyetje tashmë nga SPAK, ndërkohë që gjithçka ndodhte 3 ditë para se të mblidhej Këshilli Bashkiak.
SPAK tashmë po heton çështjen nëse ka personazhe të tjerë të përfshirë në çështjen e video-skandalit, e cila sipas raportimeve është regjistruar nga vetë vajza, përmes një kamera që ajo e ka pasur në çantën që arriti ta marrë me vete në zyrën e Kryebashkiakut. Nuk dihet se si ajo ka arritur të kalojë çantën nga paradhoma në zyrën e Kreut të bashkisë, pasi sikundër është raportuar Gjici nuk lejonte as mbajtjen e aparateve celularë nga personat që hynin në zyrën e tij.
Ende nuk dihet zyrtarisht se si kanë rrjedhur pamjet nga kamera në publik dhe nëse video-regjistrimi kishte të bënte thjesht me një presion apo shantazh ndaj Gjicit për projektin e sterilizimit të qenve të rrugës, apo lidhet me të tjera çështje.
SPAK, sipas raportimeve ka zgjeruar rrethin e personave që ka marrë në pyetje dhe po i heton nëse kanë ose jo rol në çështjen në fjalë, por nuk ka informacione zyrtare nëse ka kërkuar ose jo masa sigurie ndaj tyre në GJKKO.
