“Na rritën prindërit duke na thënë se je hajduti më i madh dhe e keqja më e madhe e këtij vendi, po hajdutë më të mëdhenj se këta politikanët e sotshëm as atyre nuk ua kishin zënë sytë.
Na thanë që je kurvar, imoral se le gruan për një grua më të re, më të bukur.. ndërkohë që këta bëjnë lloj lloj perversitetesh nëpër zyra e shtëpi fshati, me gratë e shokëve, me burrat e ish grave, me dashnoret dhe nuk kanë bythë të përballen me gratë apo t’iu kërkojnë divorcin.
Na thanë që je njeri me vese, që luan bixhoz.. por këta përveç bixhozit edhe drogohen.
Na thanë që kishe vendosur një sistem të korrupsionit që po ndalte integrimin…Ja ku jemi tani; po i fusim hajdutet në burg, por çuditërisht të varfërit po varfërohen dhe të pasurit po pasurohen akoma më shumë dhe prapë nuk po integrohemi.
Ti edhe nqs vodhe, u ngope, ike vetë.. por këta s’kanë të ngopur. Na thanë që po uzurpoje shtetin, po në kohën tënde kishim biçim shprese të protestat e çunave të Mjaftit, te Top Channel që të denonconte, te opozita që bënte rolin e prokurorisë.. Por opozita vodhi më shumë se ti, televizionet u bënë më servila dhe mjaftistët u bënë drejtora. Nuk të vjen keq që na kë lënë në duart e Ilir Beqjas dhe Koço Kokëdhimës?
Kthehu Fatos! Në mos përmiresosh gjë.. të paktën do jesh një e keqe që dimë ta luftojmë”, shkruan Lolita në Facebook.
