Policia e Shtetit vijon të hetojë lidhur me mashtrimin përmes sistemeve kompjuterike, ku qytetarëve të ndryshëm, përmes postës elektronike i mbërrinte një e-mail, në emër të drejtuesve të policisë kriminale, në formën e një presioni, me synim zhvatjen e shumave të ndryshme monetare.
Në email-et që u janë dërguar qytetarëve rezulton përdorimi i emrave të drejtuesve më të lartë të policisë, por edhe në formën e urdhërave të Gjykatës, duke krijuar jo vetëm panic, por edhe detyrimin e qytetarëve për të dhënë para, në shkëmbim të mbylljes së dosjeve imagjinare.
Policia e Shtetit njoftoi sot se ka arritur të parandalojmë pasojat e mëtejshme, si dhe dëmet monetare për qytetarët, ndërsa ende nuk ka mundur të identifikojë autorët.
Njoftimi zyrtar nga Policia e Shtetit
Njoftim për shtyp në lidhje me veprimtarinë kriminale në fushën e krimeve kibernetike, situatë e paraqitur më datë 22.06.2023.
Drejtoria për Hetimin e Krimeve Kibernetike, dje, më datë 22.06.2023, është vënë në dijeni të një fushate mashtrimi nëpërmjet sistemeve kompjuterike e cila synonte persona fizikë dhe juridikë, pa dallime të caktuara, me qëllim marrjen e shumave të ndryshme monetare.
Nga veprimet e shpejta të ndërmarra nga Drejtoria për Hetimin e Krimeve Kibernetike, përsa i përket njoftimit të të gjithë qytetarëve dhe kontaktimit të çdo shtetasi apo subjekti të prekur nga kjo veprimtari kriminale, sot konstatojmë se kemi arritur të parandalojmë pasojat e mëtejshme, si dhe dëmet monetare për qytetarët.
Puna policore vijon për hetimin e ngjarjes, si dhe për identifikimin e autorëve.
Ju ri-informojmë se njoftimi që mund t’iu vijë nëpërmjet postës elektronike është:
Ndërsa mesazhi bashkëlidhur me të, është:
Ftojmë qytetarët që për çdo problematikë që mund të hasin, të kontaktojnë Drejtorinë për Hetimit e Krimeve Kibernetike, në adresën e postës elektronike [email protected].
Drejtoria për Hetimin e Krimeve Kibernetike do të japë më shumë informacion rreth kësaj situate, në ditët në vijim.
The post Mashtrimi kompjuterik që ju zhvat para, Policia e Shtetit: Kini kujdes nga ky mesazh appeared first on 27.
