Ministerja e Integrimit: Janë plotësuar vetëm 50% e angazhimeve të digastereve të lidhura me procesin
Ministrja e Integrimit Europian Klajda Gjosha ka shprehur rezerva për ministrat dhe punët e tyre për plotësimin e 5 prioriteteve të Integrimit. Alarmi i ministres vjen pasi është konstatuar se vetëm 50 për qind e angazhimeve të ndërmarra nga gupet e punës për pesë prioritet, janë kryer deri tani nga ministrat e kabinetit qeveritar. Ministria e Integrimit tha se krerët e të gjitha digastereve do të monitorohen rrepte në këtë drejtim duke kërkuar prej tyre respektimin e të gjitha afateve të parashikuara në planin kombëtar.
“Do të jemi në monitorim mujor. Kjo do të thotë që grupet ndërinstitucioinale të punës duhet të mblidhen çdo tre javë. Këto takime duhet të kryhen, dhe në momentin që ato kryhen bëhet dhe raportimi direkt pranë MIE. Ka pasur disa ministri që e kanë neglizhuar dhe ky është detyrim madhor. Nuk ka një memorie institucionale.
Tërheq vëmendjen dhe zv. ministrave që duhet të jenë në krye të këtyre mbledhjeve. Nëse mbledhjet drejtohen nga shefat e sektorit nuk është e njëjta rëndësi. Unë realisht do t’u kërkoja vëmendje më të madhe se vetë vendi po ecën drejt një procesi me përgjegjësi më të madhe, po dhe punë më të shtuar”, tha Gjosha.
