Vangjush Dako, ish-kryebashkiaku i Durrësit, ndodhet në ambientet e Drejtorisë së Policisë së Tiranës, atje ku zgjodhi të vetëdorëzohej, pasi ishte firmosur urdhër-arresti për të nga SPAK, ndërsa GJKKO kishte caktuar masën e sigurisë.
Ndaj Dakos janë ngritur dy akuza: shpërdorim detyre dhe falsifikim i dokumenteve, ndërkohë që prokurorët e SPAK dhe hetuesit kanë marrë në pyetje ish-Kryebashkiakun në ambientet e drejtorisë së Policisë së Tiranës.
Sipas burimeve, raportohet se Dako është pyetur lidhur me dy rastet për të cilat është akuzuar, edhe pse thuhet se ka dhënë sqarime lidhur me to gjatë ditëve të fundit.
Nuk dihet nëse Dako do të qëndrojë në orët e ardhshme në ambientet e seksionit të sigurisë në Drejtorinë e Policisë së Tiranës, apo do të transferohet në paraburgim, para se të dalë para GJKKO ku do të rivlerësohet masa e sigurisë.
Brenda 48 orësh, Dako do të përballet me GJKKO për tu njohur me masën e sigurisë, ndërsa avokati i ish-Kryebashkiakut e konsideroi masën e arrestit me burg si një vendim të marrë nën presion.
Dako akuzohet për korrupsion, lidhur me një pallat të ndërtuar në qendër të qytetit, i cili u dëmtua gjatë tërmetit të 26 nëntorit 2019. Hetimet për të erdhën pas denoncimit që bënë banorët e pallatit në SPAK.
Në mars 2023 ish kryebashkiaku i Durrësit u thirr në SPAK për tu marrë në pyetje lidhur me dosjen e hapur për dhënien e lejes së ndërtimit të 11 viteve më përpara, për një pallat i cili u dëmtua nga tërmeti i vitit 2019. Në atë kohë, ai u mor në pyetje për rreth tre orë nga prokurorët.
Emri i Vangjush Dakos është lakuar në disa afera të mëdha korruptive.
Po ashtu Dako në vitin 2017 u përfshi në dosjen “e famshme”, “Dosja 339”, me përgjimet për dyshime për shitblerjen e votës në zgjedhjet e qershorit atij viti, si dhe bashkëpunimin me grupin Avdylaj.
Në atë kohë, Dako u mbrojt në media ndërsae cilësonte veten një superman, me duart si akullore, që nuk ka prekur para korrupsioni apo armë me duar. Dhe si për ironi, një vit më pas ai shpallet “non grata” nga DASH për korrupsion madhor.
Në 30 korrik 2019 Departamenti i Shtetit vendosi ish-kryetarin e Bashkisë së Durrësit, Vangjush Dako në listën e personave që u ndalohet hyrja në Shtetet e Bashkuara së bashku me familjen.
Në njoftim theksohej se arsyeja e kësaj mase është përfshirja e tij në raste të mëdha korrupsioni.
Sipas ligjeve amerikane, kur Sekretari i Shtetit ka informacione të besueshme se një zyrtar i huaj është përfshirë në raste të mëdha korrupsioni, ose shkelje të të drejtave të njeriut, atij dhe familjes së tij të ngushtë, i ndalohet hyrja në Amerikë.
Vangjush Dako, ish-kryebashkiaku i Durrësit, ndodhet në ambientet e Drejtorisë së Policisë së Tiranës, atje ku zgjodhi të vetëdorëzohej, pasi ishte firmosur urdhër-arresti për të nga SPAK, ndërsa GJKKO kishte caktuar masën e sigurisë.
Ndaj Dakos janë ngritur dy akuza: shpërdorim detyre dhe falsifikim i dokumenteve, ndërkohë që prokurorët e SPAK dhe hetuesit kanë marrë në pyetje ish-Kryebashkiakun në ambientet e drejtorisë së Policisë së Tiranës.
Sipas burimeve, raportohet se Dako është pyetur lidhur me dy rastet për të cilat është akuzuar, edhe pse thuhet se ka dhënë sqarime lidhur me to gjatë ditëve të fundit.
Nuk dihet nëse Dako do të qëndrojë në orët e ardhshme në ambientet e seksionit të sigurisë në Drejtorinë e Policisë së Tiranës, apo do të transferohet në paraburgim, para se të dalë para GJKKO ku do të rivlerësohet masa e sigurisë.
Brenda 48 orësh, Dako do të përballet me GJKKO për tu njohur me masën e sigurisë, ndërsa avokati i ish-Kryebashkiakut e konsideroi masën e arrestit me burg si një vendim të marrë nën presion.
Dako akuzohet për korrupsion, lidhur me një pallat të ndërtuar në qendër të qytetit, i cili u dëmtua gjatë tërmetit të 26 nëntorit 2019. Hetimet për të erdhën pas denoncimit që bënë banorët e pallatit në SPAK.
Në mars 2023 ish kryebashkiaku i Durrësit u thirr në SPAK për tu marrë në pyetje lidhur me dosjen e hapur për dhënien e lejes së ndërtimit të 11 viteve më përpara, për një pallat i cili u dëmtua nga tërmeti i vitit 2019. Në atë kohë, ai u mor në pyetje për rreth tre orë nga prokurorët.
Emri i Vangjush Dakos është lakuar në disa afera të mëdha korruptive.
Po ashtu Dako në vitin 2017 u përfshi në dosjen “e famshme”, “Dosja 339”, me përgjimet për dyshime për shitblerjen e votës në zgjedhjet e qershorit atij viti, si dhe bashkëpunimin me grupin Avdylaj.
Në atë kohë, Dako u mbrojt në media ndërsae cilësonte veten një superman, me duart si akullore, që nuk ka prekur para korrupsioni apo armë me duar. Dhe si për ironi, një vit më pas ai shpallet “non grata” nga DASH për korrupsion madhor.
Në 30 korrik 2019 Departamenti i Shtetit vendosi ish-kryetarin e Bashkisë së Durrësit, Vangjush Dako në listën e personave që u ndalohet hyrja në Shtetet e Bashkuara së bashku me familjen.
Në njoftim theksohej se arsyeja e kësaj mase është përfshirja e tij në raste të mëdha korrupsioni.
Sipas ligjeve amerikane, kur Sekretari i Shtetit ka informacione të besueshme se një zyrtar i huaj është përfshirë në raste të mëdha korrupsioni, ose shkelje të të drejtave të njeriut, atij dhe familjes së tij të ngushtë, i ndalohet hyrja në Amerikë.
