Një person është arrestuar në Krujë dhe djali i tij është shpallur në kërkim, pasi në banesën e tij në Nikël të Krujës kishin kultivuar kanabis.
Policia bën me dije se në pranga ka rënë shtetasi Bedri Luka dhe u shpall në kërkim djali i tij, shtetasi Redjon Luka.
Në shtëpinë e tyre u gjetën të kultivuara 285 bimë të dyshuara narkotike cannabis sativa. Bimët narkotike u asgjësuan nëpërmjet djegies, ndërsa një pjesë e vogël e tyre u sekuestrua në cilësinë e provës materiale.
Njoftim i i policisë
Vazhdojnë kontrolle intensive për të parandaluar dhe goditur kultivimin e kanabisit.
Finalizohet faza e 12-të e megaoperacionit policor antikanabis të koduar “Territor i pastër”.
Kishin kultivuar në banesën e tyre, në Nikël, 285 bimë narkotike cannabis sativa, arrestohet një shtetas dhe shpallet në kërkim djali i tij.
Asgjësohen nëpërmjet djegies, bimët narkotike.
Në total, gjatë 11 fazave të mëparshme të këtij megaoperacioni, në të gjithë territorin e qarkut Durrës, janë asgjësuar 7362 fidanë dhe bimë narkotike cannabis sativa.
Shërbimet e Komisariatit të Policisë Krujë dhe ato të Forcës së Posaçme Operacionale të DVP Durrës, kanë vijuar intensivisht kontrollet në të gjithë territorin e fshatit Nikël, me qëllim parandalimin dhe goditjen e tentativave për të kultivuar bimë narkotike.
Si rezultat i kontrolleve të zhvilluara në kuadër të fazës së 12-të të megaoperacionit policor antikanabis të koduar “Territor i pastër”, përreth banesës së shtetasve B. L. dhe R. L. (babë e bir), në fshatin Nikël, Krujë, u gjetën të kultivuara 285 bimë të dyshuara narkotike cannabis sativa. Bimët narkotike u asgjësuan nëpërmjet djegies, ndërsa një pjesë e vogël e tyre u sekuestrua në cilësinë e provës materiale.
Në vijim të veprimeve procedurale për këtë rast, u arrestua shtetasi B. L. dhe u shpall në kërkim djali i tij, shtetasi R. L.
Vijon puna për kapjen e shtetasit R. L.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
