Në një video të siguruar nga Euronews Albania, duket përplasja e forcave të KFOR-it me protestuesit serbë në Zveçan.
Përveç goditjes me sende të forta, gurë dhe mjete shpërthyese janë dëgjuar dhe të shtëna me armë.
Deri tani nuk raportohet për të plagosur.
Trupat e misionit paqeruajtës të NATO-s në Kosovë, KFOR, kanë nisur të shpërndajnë protestuesit serbë që gjenden pranë ndërtesës së komunës së Zveçanit.
Që nga mëngjesi i 29 majit, grupe të serbëve kanë protestuar në Zveçan, Zubin Potok dhe Leposaviç. Trupat e KFOR-it po përdorin shok-bomba për të shpërndarë protestuesit, të cilët po hedhin sende të forta në drejtim të tyre.
