Ministria e Jashtme e Greqisë ka reaguar lidhur me vendimin e GJKKO-së, që la sot në fuqi masën e sigurisë së arrestit me burg për Fredi Belerin, i cili u zgjodh kryebashkiak i Himarës në zgjedhjet e 14 majit.
“Zgjatja e paraburgimit të Fredi Beleri, tashmë i zgjedhur Kryetar i Bashkisë Himarë, ofendon ndjenjën e drejtësisë së publikut dhe perceptimin evropian të shtetit të së drejtës”, thuhet në një reagim të Ministrisë së Jashtme greke.
Më herët ministri i Jashtëm grek, Nikos Dendias, zhvilloi një takim me Olta Xhaçkën, ministren e Jashtme në Qeverinë Rama, ku një nga çështjet e diskutuara ishte edhe ajo e arrestimit të Belerit.
Fredi Beleri u arrestua dy ditë para zgjedhjeve të 14 majit me akuzën e blerjes së votave, ndërsa Prokuroria pretendon se ka prova filmike lidhur me akuzën e ngritur.
Ndërkohë avokatët e Belerit kanë deklaruar se do të apelojnë vendimin e GJKKO, pra do të kërkojnë ndryshimin e masës së sigurisë ndaj tij, ndërsa vetë Beleri që kandidonte nën siglën e koalicionit “Bashkë Fitojmë” ka kërkuar drejtësi.
Para arrestimit, Beleri u kthye në një tabelë qitjeje me akuza nga Kryeministri Edi Rama, i cili nuk nguroi ta quante edhe maskara. Disa orë pasi Edi Rama paralajmëroi në një emission televiziv se do të merrej personalisht me dy personazhe, që i cilësonte si mbështetës të Fredi Belerit dhe që ushtronin presion ndaj votuesve, kandidati i opozitës për Bashkinë e Himarës, u arrestua nga policia.
Ministria e Jashtme e Greqisë ka reaguar lidhur me vendimin e GJKKO-së, që la sot në fuqi masën e sigurisë së arrestit me burg për Fredi Belerin, i cili u zgjodh kryebashkiak i Himarës në zgjedhjet e 14 majit.
“Zgjatja e paraburgimit të Fredi Beleri, tashmë i zgjedhur Kryetar i Bashkisë Himarë, ofendon ndjenjën e drejtësisë së publikut dhe perceptimin evropian të shtetit të së drejtës”, thuhet në një reagim të Ministrisë së Jashtme greke.
Më herët ministri i Jashtëm grek, Nikos Dendias, zhvilloi një takim me Olta Xhaçkën, ministren e Jashtme në Qeverinë Rama, ku një nga çështjet e diskutuara ishte edhe ajo e arrestimit të Belerit.
Fredi Beleri u arrestua dy ditë para zgjedhjeve të 14 majit me akuzën e blerjes së votave, ndërsa Prokuroria pretendon se ka prova filmike lidhur me akuzën e ngritur.
Ndërkohë avokatët e Belerit kanë deklaruar se do të apelojnë vendimin e GJKKO, pra do të kërkojnë ndryshimin e masës së sigurisë ndaj tij, ndërsa vetë Beleri që kandidonte nën siglën e koalicionit “Bashkë Fitojmë” ka kërkuar drejtësi.
Para arrestimit, Beleri u kthye në një tabelë qitjeje me akuza nga Kryeministri Edi Rama, i cili nuk nguroi ta quante edhe maskara. Disa orë pasi Edi Rama paralajmëroi në një emission televiziv se do të merrej personalisht me dy personazhe, që i cilësonte si mbështetës të Fredi Belerit dhe që ushtronin presion ndaj votuesve, kandidati i opozitës për Bashkinë e Himarës, u arrestua nga policia.
