Kretari i AAK-së braktis takimin e thirrur nga presidentja Ahtifete Jahjaga, për zgjidhejn e krizës politike në Kosovë
Lideri i Aleancës për Ardhmërinë e Kosovës, Ramush Haradinaj, braktisi takimin e organizuar nga presidentja e Kosovës Ahtifete Jahjaga, për zgjidhjen e krizës politike në Kosovë. Haradinaj ishte i vetmi nga opozita që u bë pjesë e këtij takimi ku morën pjesë krerët e të gjitha partive të mazhorancës si dhe ambasadori i Shteteve të Bashkuara të Amerikës Greg Delawi bashkë me përfaqësuesin e Bashkimit Europian Samuel Zhbogar. Pasi është larguar nga presidenca, Haradinaj tha për mediat:
“Kam kërkuar që të shpërbehet Kuvendi, shihemi me 17 shkurt me opozitën e bashkuar. E vetmja alternativë është të shkohet në zgjedhje. Unë i shpreha qëndrimet e mia në takim, korrupsioni, papunësia e lartë, dështimi i ushtrisë, rrezikimi nga ardhja e luftëtarëve islamikë dhe dështimi në njohje”.
Ndërkkohë takimi vijon me kreun e LDK isa Mustafa, kreun e PDSH Hashim Thaçi, dhe atë të Listës Serbe. Ashtu siç edhe kishin paralajmëruar, Vetëvendosje dhe Nisma nuk marrin pjesë në takimin e thirrur nga Jahjaga.
Krerët e dy partive të opozitës e konsideruan pjesëmarrjen e Haradinajt në taklimin e thirrur nga Jahjaga si një flirt politik të këtij të fundit.
