Para disa ditësh 27.al publikoi disa foto nga “Kodra e Priftit” në Tiranë, ku shiheshin fëmijë, të cilët luanin në grumbujt e dheut dhe inerteve që UKT ka krijuar, pasi po zhvillon punime. Askush nuk ka menduar as pas këtyre shkrimeve që gjithë zona duhet të ishte e ndaluar mbi të gjitha për fëmijët, por edhe për të tjerët. Nuk ka kurrfarë shenjash parandaluese, gjë që sot ka sjellë edhe pasojat si më poshtë.
Këtë herë po publikojmë disa foto të tjera, ku si pasojë e mungesës së tabelave orientuese, kjo makinë ra dëshmore e punimeve të UKT-së, pasi askush nuk mori mundimin ta njoftojë se një gropë e stërmadhe e priste. Këto gropa të çelura gjenden kudo dhe pas shiut janë kthyer në pishina rreth 2 metra të thella.
Nëse dilni nga “Kodra e Priftit” bëjini sytë katër se Bashkia dhe UKT po ju sigurojnë ujin, por jo jetën.
