Reali i Madridit festoi fitimin e Kupës së Madhërisë së Tij Mbretit të Spanjës nëntë vjet pas herës së fundit, duke mposhtur Osasunën e Pamplonës me rezultatin 2-1, ndërkohë që Karim Benzema barazoi rekordin e Marcelos, duke arritur 25 trofe me fanellën ‘Los Blancos’.
Deri para pak kohësh ish-mbrojtësi brazilian Marcelo ishte i vetëm në krye të listës së lojtarëve me më shumë trofe te Madrid, por tani sulmuesi Benzema me gjasa po kërkon ta përmirësojë rekordin e tij.
Në fakt, lojtari francez mund ta arrijë edhe këtë sezon, nëse Reali fillimisht kapërcen pengesën e Cityt në gjysmëfinale të Champions League dhe mund të luajë në një finale midis Interit, apo Milanit.
Ja dhe lista e ‘Top 10’ lojtarëve me më shumë trofe te Real Madridi:
- Karim Benzema 25
- Marcelo 25
- Paco Gento 23
- Luka Modric 23
- Nacho Fernandez Iglesias 23
- Manolo Sanchez 22
- Sergio Ramos Garcia 22
- Dani Carvajal 22
- Toni Kroos 20
- Jose Antonio Camacho 19
