Në “Kukës Arena”, Kukësi dhe Teuta nuk kanë shkuar më shumë se një barazim pa gola, në ndeshjen e vlefshme për elitën. Frika e madhe për të mos humbur bëri që skuadrat të jenë tejet të kujdesshme, në një sfidë ku mungoi konkretizimi.
Pas çerek ore lojë, Kallaku provoi nga goditja e dënimit, pa mundur dot të gjejë portën.
Verilindorët iu afruan shumë golit në minutën e 33-të. Ishte Gjelbrim Taipi që vendosi në provë Qirkon me një gjuajtje nga distanca, por portieri i tha jo, duke devijuar topin në këndore.
Sërish “gardiani” Qirko protagonist pak më vonë me një pritje ndaj Muratit.
Sherif Kallaku shkaktoi drithërima në fillimin e pjesës së dytë me një perlë nga larg, por goli s’po vinte.
Në të 70-tën minutën, djemtë e Hallaçit “flirtuan” sërish me golin e epërsisë, Gjelbrim Taipi gjeti shtyllën, ndërsa në po të njëjtin aksion Basa nuk shfrytëzoi si duhet topin e kthyer, duke dërguar sferën jashtë.
Sa i takon tabelës, kuksianët janë në vendin e tetë me 37 pikë. Në krahun tjetër, durrsakët janë të pozicionuar në vendin e gjashtë me 39 pikë.
Në “Kukës Arena”, Kukësi dhe Teuta nuk kanë shkuar më shumë se një barazim pa gola, në ndeshjen e vlefshme për elitën. Frika e madhe për të mos humbur bëri që skuadrat të jenë tejet të kujdesshme, në një sfidë ku mungoi konkretizimi.
Pas çerek ore lojë, Kallaku provoi nga goditja e dënimit, pa mundur dot të gjejë portën.
Verilindorët iu afruan shumë golit në minutën e 33-të. Ishte Gjelbrim Taipi që vendosi në provë Qirkon me një gjuajtje nga distanca, por portieri i tha jo, duke devijuar topin në këndore.
Sërish “gardiani” Qirko protagonist pak më vonë me një pritje ndaj Muratit.
Sherif Kallaku shkaktoi drithërima në fillimin e pjesës së dytë me një perlë nga larg, por goli s’po vinte.
Në të 70-tën minutën, djemtë e Hallaçit “flirtuan” sërish me golin e epërsisë, Gjelbrim Taipi gjeti shtyllën, ndërsa në po të njëjtin aksion Basa nuk shfrytëzoi si duhet topin e kthyer, duke dërguar sferën jashtë.
Sa i takon tabelës, kuksianët janë në vendin e tetë me 37 pikë. Në krahun tjetër, durrsakët janë të pozicionuar në vendin e gjashtë me 39 pikë.
