Në Euroligën e Basketbollit, sfida e dytë ndërmjet Realit të Madridit dhe KK Partizan Beograd u ndërpre pas një sherri masiv mes dy skuadrave. Përpara se të ndërpritej, ndeshja ishte 95-80 në favor të ekipit serb, rezultat që solli tension dhe më pas përplasje totale ndërmjet lojtarëve dhe stafeve të dy ekipeve.
Në pamundësi për të qetësuar situatën, 1 minutë e 40 sekonda përpara përfundimit të periodës së katërt, gjyqtari i takimit vendosi që ndeshja të ndërpritej duke dërguar ekipet në dhomat e zhveshjes, ndërsa fitorja iu akordua zyrtarisht ekipit serb.
Gjatë orëve pas ndërprerjes së ndeshjes, kapiteni i Realit, Sergio Llull nëpërmjet një mesazhi në rrjetet sociale, kërkoi ndjesë për atë që ndodhi duke marrë përgjegjësinë për faktin se një ndërhyrje e tij e ashpër u bë motiv për sherrin masiv.
Lo de anoche no debe ocurrir nunca en una cancha de baloncesto. Asumo mi responsabilidad por hacer esa dura falta que desencadenó el desastre posterior. Mis disculpas a todos los aficionados al baloncesto.
— Sergio Llull (@23Llull) April 28, 2023
