Kryetari i Bashkisë Tiranë, Erion Veliaj mashtron hapur me tenderët publikë dhe paracakton fituesit. Këtë radhë një mungesë koordinimi me kreun e KPP, Jonaid Myzyrin, e ka nxjerrë zbuluar prapaskenën e Lali Erit me tenderin e dyshimtë për blerje materialesh pastrimi.
Rrallë ndodh që të anulohen tenderët nga Bashkia Tiranë, sepse gjithmonë i jep në vlera të larta dhe të gjithë kompanitë turren të fitojnë. Dhe së dyti, pavarësisht shkeljeve të shumta askush nuk i kërkon llogari Lali Erit.
Anulimi i tenderit
Por, si për çudi, këtë herë është anuluar tenderi më objekt “Blerje materiale pastrimi” i hapur nga Drejtoria e Përgjithshme e Objekteve Publik, në varësi të Bashkisë Tiranë. Ky tender ka fondin limit me vlerë 400 milionë lekë, para që firma furnizuese do t’i donte në arkën e vet.
Por, në mënyrë të paqartë Veliaj e ka anuluar këtë tender. Sipas të dhënave, gara është hapur më 25 janar 2023 dhe me datë 12 prill 2023, Drejtoria e Përgjithshme e Objekteve Publik e ka anuluar procedurën. Në fakt, anulimi është bërë publike një javë më pas, me datë 18 prill 2023, sigurisht në shkelje të ligjit.
Ndërkaq, në këtë njoftim shkruhet se shkak për anulimin është bërë mungesa e ofertave të përshtatshme. Dhe në këtë pikë duket sikur Veliaj më në fund ka bërë një vlerësim ofertash sipas rregullit.
Denoncimet
Por, jo çështja është më e thellë se kaq. Me sa duket Veliaj nuk ka mundur t’ia fal tenderin firmës që kishte paracaktuar dhe e ka pezulluar procesin. Kujtojmë se kështu bëri edhe me tenderin e vlerjes së pemëve.
Për tenderin e “materialeve të pastrimit” janë bërë dy denoncime, nga dy firma që kanë pasur interes për prokurimin. Të dy denoncimet janë bërë me datë 19 prill 2023, pra një ditë pasi kanë marrë vesh që procedura është anuluar. Edhe pse theksojmë sërish që, Veliaj e kishte anuluar tenderin që më datë 12 prill.
Por kujt i prishi qefin Lai Eri? “Pastrime Silvio” SHPK në pronësi të Bule Allmuçës është një firmë e njohur për miliardat që përfiton nga tenderët pa garë “të pastrimit”, më së shumti nga Ministria e Shëndetësisë dhe bashkitë në jug. Edhe nga Bashkia Tiranë kjo firmë gëzon disa prokurime, por me sa duket qenkan prishur marrëdhëniet me Lali Erin dhe ky i fundit nuk e ka marrë në konsideratë ofertën e saj.
Madje, oferta e paraqitur është skualifikuar pa ndonjë arsyetim ligjor. Dhe në këtë ankesë “Pastrime Silvio” SHPK kërkon që Drejtoria të paraqesë pikat që oferta e saj nuk i plotëson.
“Nga shqyrtimi paraprak i ankesës të sipërcituar, u konstatua se objekti i ankesës lidhet me vendimmarrjen e Komisionit të Vlerësimit të Ofertave mbi skualifikimin e ofertës të paraqitur nga operatori ekonomik ankimues “Pastrime Silvio” SHPK. Bazuar në nenin 112, pika 4, gërma “b” të ligjit nr. 162/2020 “Për prokurimin publik”, ku parashikohet se:
“Në mënyrë që ankesa të bëhet e aksesueshme jo vetëm nga autoriteti ose enti kontraktor, por njëkohësisht edhe nga operatorët ekonomikë të interesuar, KPP-ja publikon: b) arsyet e skualifikimit në rastin e ankesave për vendimin e vlerësimit/klasifikimit përfundimtar”, thuhet në ankesë.
Të njëjtën gjë kërkon Malvina Visoka, e cila ka konkurruar si person fizik dhe pretendon se është përjashtuar nga gara pa të drejtë.
Dy ankesa për të njëjtën pikë. Dy denoncime në të njëjtën ditë, Veliaj mbajti të fshehtë pezullimin e tenderit dhe KPP nuk akoma asnjë vendim mbi këtë çështje. Loja e Lali Erit me tenderët e paracaktuar duhet të shënohet në ndonjë dosje të SPAK, se u bënë kohë që prokuroria nuk e ka thirrur, as Lalin as drejtorët e tij, për t’i pyetur si “dëshmitarë” që kanë dijeni për faktet!
Lexo edhe: Veliaj legalizon ndërtimet e oligarkëve, shmangen 740 MLN lekë taksa
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Kryetari i Bashkisë Tiranë, Erion Veliaj mashtron hapur me tenderët publikë dhe paracakton fituesit. Këtë radhë një mungesë koordinimi me kreun e KPP, Jonaid Myzyrin, e ka nxjerrë zbuluar prapaskenën e Lali Erit me tenderin e dyshimtë për blerje materialesh pastrimi.
Rrallë ndodh që të anulohen tenderët nga Bashkia Tiranë, sepse gjithmonë i jep në vlera të larta dhe të gjithë kompanitë turren të fitojnë. Dhe së dyti, pavarësisht shkeljeve të shumta askush nuk i kërkon llogari Lali Erit.
Anulimi i tenderit
Por, si për çudi, këtë herë është anuluar tenderi më objekt “Blerje materiale pastrimi” i hapur nga Drejtoria e Përgjithshme e Objekteve Publik, në varësi të Bashkisë Tiranë. Ky tender ka fondin limit me vlerë 400 milionë lekë, para që firma furnizuese do t’i donte në arkën e vet.
Por, në mënyrë të paqartë Veliaj e ka anuluar këtë tender. Sipas të dhënave, gara është hapur më 25 janar 2023 dhe me datë 12 prill 2023, Drejtoria e Përgjithshme e Objekteve Publik e ka anuluar procedurën. Në fakt, anulimi është bërë publike një javë më pas, me datë 18 prill 2023, sigurisht në shkelje të ligjit.
Ndërkaq, në këtë njoftim shkruhet se shkak për anulimin është bërë mungesa e ofertave të përshtatshme. Dhe në këtë pikë duket sikur Veliaj më në fund ka bërë një vlerësim ofertash sipas rregullit.
Denoncimet
Por, jo çështja është më e thellë se kaq. Me sa duket Veliaj nuk ka mundur t’ia fal tenderin firmës që kishte paracaktuar dhe e ka pezulluar procesin. Kujtojmë se kështu bëri edhe me tenderin e vlerjes së pemëve.
Për tenderin e “materialeve të pastrimit” janë bërë dy denoncime, nga dy firma që kanë pasur interes për prokurimin. Të dy denoncimet janë bërë me datë 19 prill 2023, pra një ditë pasi kanë marrë vesh që procedura është anuluar. Edhe pse theksojmë sërish që, Veliaj e kishte anuluar tenderin që më datë 12 prill.
Por kujt i prishi qefin Lai Eri? “Pastrime Silvio” SHPK në pronësi të Bule Allmuçës është një firmë e njohur për miliardat që përfiton nga tenderët pa garë “të pastrimit”, më së shumti nga Ministria e Shëndetësisë dhe bashkitë në jug. Edhe nga Bashkia Tiranë kjo firmë gëzon disa prokurime, por me sa duket qenkan prishur marrëdhëniet me Lali Erin dhe ky i fundit nuk e ka marrë në konsideratë ofertën e saj.
Madje, oferta e paraqitur është skualifikuar pa ndonjë arsyetim ligjor. Dhe në këtë ankesë “Pastrime Silvio” SHPK kërkon që Drejtoria të paraqesë pikat që oferta e saj nuk i plotëson.
“Nga shqyrtimi paraprak i ankesës të sipërcituar, u konstatua se objekti i ankesës lidhet me vendimmarrjen e Komisionit të Vlerësimit të Ofertave mbi skualifikimin e ofertës të paraqitur nga operatori ekonomik ankimues “Pastrime Silvio” SHPK. Bazuar në nenin 112, pika 4, gërma “b” të ligjit nr. 162/2020 “Për prokurimin publik”, ku parashikohet se:
“Në mënyrë që ankesa të bëhet e aksesueshme jo vetëm nga autoriteti ose enti kontraktor, por njëkohësisht edhe nga operatorët ekonomikë të interesuar, KPP-ja publikon: b) arsyet e skualifikimit në rastin e ankesave për vendimin e vlerësimit/klasifikimit përfundimtar”, thuhet në ankesë.
Të njëjtën gjë kërkon Malvina Visoka, e cila ka konkurruar si person fizik dhe pretendon se është përjashtuar nga gara pa të drejtë.
Dy ankesa për të njëjtën pikë. Dy denoncime në të njëjtën ditë, Veliaj mbajti të fshehtë pezullimin e tenderit dhe KPP nuk akoma asnjë vendim mbi këtë çështje. Loja e Lali Erit me tenderët e paracaktuar duhet të shënohet në ndonjë dosje të SPAK, se u bënë kohë që prokuroria nuk e ka thirrur, as Lalin as drejtorët e tij, për t’i pyetur si “dëshmitarë” që kanë dijeni për faktet!
Lexo edhe: Veliaj legalizon ndërtimet e oligarkëve, shmangen 740 MLN lekë taksa
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
