Përfundon me fitoren e holandezëve të Feyenoord ndaj Romës, me rezultatin 1-0 takimi i parë i fazës çerekfinale të UEFA Europa League.
Takimi nisi i luftuar që në sekondat e para, kjo dhe prej takimit të mëparshëm mes të dy klubeve, finalja e Conference League, e luajtur në Tiranë dhe e fituar nga Roma.
Italianët kishin mundësi në “De Kuip” që të merrnin epërsinë në pjesën e parë por Pellegrini gaboi nga pika e bardhë e penalltisë duke dërguar topin drejt shtyllës.
Pas rifillimit të lojës, holandezët zhbllokuan rezultatin me anë të Wieffer, i cili nga më shumë se 20 metra larg portës u koordinua saktë duke shënuar një eurogol që dërgoi në ekstazë të gjithë tifozët vendas.
Verdhekuqtë provuan të barazonin rezultatin por mbrojtja e Feyenoord i rezistoi sulmeve të miqve duke mbajtur rrjetën të paprekur. Tashmë, skuadrat do takohen përsëri pas një jave, në Olimpico të Romës, për të vendosur se kush do të shkojë në gjysmëfinale./m.b. /gijotina.com
