Kryetari i Partisë Demokratike, Sali Berisha ka dënuar qëndrimin e SPAK në lidhje me çështjen “McGonigal”. Ditën e sotme në një deklaratë për mediat nga selia blu ai u shpreh se sot drejtësia amerikane po konfiskon të gjitha pronat e ish-kryezbuluesit të FBI.
Por sipas tij, një tjetër qëndrim ka zgjedhur të mbajë drejtësia në Shqipëri. Ai u shpreh se SPAK e quan këtë një çështje të mbyllur.
Berisha nga ana tjetër u zotua se PD do të bëjë gjithçka për hetimin e plotë të kësaj çështje dhe aferës së inceneratorëve.
“Me këtë deklaratë shqiptarët mësuan se nuk ka asnjë shpresë që të dalë e vërteta e djegësit të Tiranës. E rëndë ishte deklarata e kreut të SPAK për aferën McGonigal në një kohë kur drejtësia amerikane po i konfiskon atij të gjitha pronat. Kreu i Akuzës speciale deklaroi dje se kjo është një çështje e shkuar. Disa dëshmitarë kanë faktuar se Dorian Duçka dhe miku i tij Agron Neza kanë kapur, intimiduar, kanë kërkuar ryshfet dhe gjoba bizneseve shqiptare për t’u garantuar rikthimin e vizave.
Gjykata e SHBA ka faktuar se Edi Rama ka dërguar informacion direkt nga zyra e tij tradhtarit të kombit amerikan McGonigal. Gjykata amerikane ka faktuar se këshilltari privat i Edi Ramës ka dërguar dëshmitarë nga Europa për hetimin kundër opozitës. Si mund të deklarohet se kjo është një çështje e shkuar. Tregon se SPAK është një mburojë e aferave të qeverisë. McGonigal është çështje që tronditi SHBA dhe mbarë botën.
Janë dy komisione në SHBA që merren me trajtimin e kësaj çështje. Institucioni i akuzës në Shqipëri, pavarësisht se është bërë puç anti kushtetues, e quan këtë çështje të shkuar. Duke denoncuar publikisht dhe njëherë SKAP-in si institucion më të kapur, zotohem se PD do bëjë gjithçka për hetimin e plotë të këtyre dy aferave ndër më tronditëset në historinë e këtij vendi”, deklaroi ai.
Kryetari i Partisë Demokratike, Sali Berisha ka dënuar qëndrimin e SPAK në lidhje me çështjen “McGonigal”. Ditën e sotme në një deklaratë për mediat nga selia blu ai u shpreh se sot drejtësia amerikane po konfiskon të gjitha pronat e ish-kryezbuluesit të FBI.
Por sipas tij, një tjetër qëndrim ka zgjedhur të mbajë drejtësia në Shqipëri. Ai u shpreh se SPAK e quan këtë një çështje të mbyllur.
Berisha nga ana tjetër u zotua se PD do të bëjë gjithçka për hetimin e plotë të kësaj çështje dhe aferës së inceneratorëve.
“Me këtë deklaratë shqiptarët mësuan se nuk ka asnjë shpresë që të dalë e vërteta e djegësit të Tiranës. E rëndë ishte deklarata e kreut të SPAK për aferën McGonigal në një kohë kur drejtësia amerikane po i konfiskon atij të gjitha pronat. Kreu i Akuzës speciale deklaroi dje se kjo është një çështje e shkuar. Disa dëshmitarë kanë faktuar se Dorian Duçka dhe miku i tij Agron Neza kanë kapur, intimiduar, kanë kërkuar ryshfet dhe gjoba bizneseve shqiptare për t’u garantuar rikthimin e vizave.
Gjykata e SHBA ka faktuar se Edi Rama ka dërguar informacion direkt nga zyra e tij tradhtarit të kombit amerikan McGonigal. Gjykata amerikane ka faktuar se këshilltari privat i Edi Ramës ka dërguar dëshmitarë nga Europa për hetimin kundër opozitës. Si mund të deklarohet se kjo është një çështje e shkuar. Tregon se SPAK është një mburojë e aferave të qeverisë. McGonigal është çështje që tronditi SHBA dhe mbarë botën.
Janë dy komisione në SHBA që merren me trajtimin e kësaj çështje. Institucioni i akuzës në Shqipëri, pavarësisht se është bërë puç anti kushtetues, e quan këtë çështje të shkuar. Duke denoncuar publikisht dhe njëherë SKAP-in si institucion më të kapur, zotohem se PD do bëjë gjithçka për hetimin e plotë të këtyre dy aferave ndër më tronditëset në historinë e këtij vendi”, deklaroi ai.
