“Meqënëse Kryeministri ynë do plehra unë i mblodha të mijat sot dhe ja cova te zyra. Dhashë kontributin si qytetar i rregullt i vendit”
I ka mbërritur dhurata e parë kryeministrit Rama, pas miratimit të ligjit për importin e plehrrave në Shqipëri. Një mënyrë krejt origjinale e protestës kundër kryeministrit Rama për mbetejet, ka ndodhur sot para godinës së kryeministrisë. Një qytetar me emrin Agron i ka dhuruar kryeministrit një thes me plehra me mbishkrimin” me dashuri nga Agroni, taksapagues i rregullt”. Ai ka postuar në facebook, fotografi me thesin e plehrave para dritares së Ramës dhe bën thirrje: Meqënëse Kryeministri ynë do plehra unë i mblodha të mijat sot dhe ja cova te zyra. Dhashe kontributin si qytetar i rregullt i vendit. I ftoj te gjithe ta bëjnë. Le t’i çojmë plehrat nëpër institucione meqënëse u duhen. Nëse ai do plehra të cilat i kemi me shumicë përse mos ta ndihmojmë? Agroni”, shkruan protestuesi kundër ligjit që garaton importin e plehrave drejt Shqipërisë.
