Ish-sulmuesi i njohur, Christian Vieri ka vlerësuar në maksimum skuadrën e Napolit, ndërsa nuk ka hezituar të flasë edhe për Milanin.
“Napoli është një makineri perfekte, nuk kam parë kurrë një klub që të prezantohet kaq mirë pas një revolucioni teknik.
Skuadrat e Spallettit luajnë futboll të bukur, gjithmonë ka qenë kështu. Dora e tij duket qartë, ka fituar shumë eksperiencë dhe di të lexojë në mënyrë perfektë çdo detaj në momente te caktuara të ndeshjes apo sezonit.
Duhet të ketë kujdes nga Milani, por nuk do të ishte ndonjë surprizë nëse Napoli arrin të fitojë Champions League.
Kuqezinjtë ndërkohë kanë dy drejtues fenomenalë si Paolo Maldini dhe Massara, por pronarët e klubit nuk duhet të fshihen, duhet të dalin hapur. Milani nuk harxhon asgjë dhe drejtuesit dhe Pioli bëjnë mrekullira. Tashmë duhen të sqarohen objektivat” – Tha ai.
