Thuajse kishim filluar t’u besojmë shpjegimeve të tij, për emocionet në fitimin e një prej finaleve më mahnitëse të Kupës së Botës në histori në Katar. Por në fund të fundit, mesa duket Emiliano Martinez nuk është penduar për gjestin e tij.
I kritikuar për gjestin e tij të turpshëm me trofeun e portierit më të mirë të marrë në vazhdën e ndeshjes finale në Katar, portieri i Albicelestes e bëri sërish të enjten në mbrëmje. Dhe këtë herë, ai nuk ishte i vetëm në këtë moment vulgariteti.
Në miqësoren kundër Panamasë në Buenos Aires (2-0), ku Lionel Messi dhe shokët e tij festuan edhe një herë titullin kampion bote me publikun e tyre, portieri i Aston Villas riprodhoi atë gjest të turpshëm. “Dibu” e riprodhoi këtë, me kopjen në miniaturë të Kupës së Botës që iu dha argjentinasve dhe në shoqërinë e Guido Rodriguez, Marcos Acuna, Geromino Rulli dhe German Pezzella.
Megjithatë, ai që ishte vendimtar gjatë penalltive kundër francezëve, ishte betuar në një intervistë dhënë në shkurt për ESPN: “Ishte marrëzi ajo që bëmë me djemtë, por kjo është e vetmja gjë që nuk jam krenar që kam bërë”,- ka thënë ai. “Ishte një shaka me shokët e mi të skuadrës”, siguroi ai gjithashtu në një intervistë për France Football.
Penalltitë është i aftë që t’i presë, dakord por, nga ana tjetër, koherenca nuk është arma e tij e fortë. Në fund të fundit, mos prisni nivel të lartë inteligjence nga një si Martinez, pavarësisht se ai tani është “portieri më i mirë në botë”.
The post Kot nuk thonë “budallait, hapi rrugën” appeared first on 27.
