Skena e pabesueshme në Britani të Madhe, me trajnerin e QPR që zgjedh… mënyrat moderne për të krijuar një atmosferë të mirë në dhomat e zhveshjes, duke ftuar një ‘Maori’ në një takim me lojtarët, për t’u treguar se si të kërcejnë “Haka”!
Nuk ka sesi lojtarët e Queens Park Rangers të mos e harrojnë këtë takim! Kjo pasi trajneri i tyre, Gareth Ainsworth, i cili së fundmi mori drejtimin e ekipit të Championship, kishte një ide të veçantë për të krijuar lidhje të ngushta mes lojtarëve të tij.
Për ta arritur këtë, ai vendosi, pa paralajmëruar askënd, të sillte një ‘Maori’ të vërtetë në një takim me skuadre, që të demonstronte kërcimin e famshëm “Haka” përpara lojtarëve të befasuar me të drejtë, ndërsa u fliste atyre për rëndësinë e shpirtit të ekipit. Në fakt, i gjithë grupi u ngrit më pas dhe ndoqi me besnikëri udhëzimet e ‘Maorit’, ndërsa ai i mësoi se si të kërcenin këtë valle tradicionale.
