Agjencia hapësinore amerikane do të eksplorojë Afërditën në të ardhmen përmes misionit DAVINCI. Një sondë me diametër prej një metër do të dërgohet për të sfiduar presionin dhe temperaturat e larta karakteristike të planetit.
Objektivi kryesor është eksplorimi i atmosferës së Afërditës nga retë në sipërfaqen e një zone që në të kaluarën mund të ketë qenë një kontinent, përkatësisht rajoni Alpha Regio.
Misioni, siç mund të merret me mend është frymëzuar nga Leonardo Da Vinçi. Për më tepër, misioni DAVINCI përfshin dy fluturime shkencore të Afërditës gjatë të cilave do të kërkojë të dhëna për molekulat biologjike në retë, ndërsa do të matë gjithashtu llojet e shkëmbinjve në disa nga rajonet malore të planetit.
Misioni DAVINCI i NASA-s do të studiojë origjinën, evolucionin dhe gjendjen aktuale të Afërditës në detaje të paprecedentë nga majat e reve deri në sipërfaqen e planetit.
Qëllimi i misionit është të ndihmojë në përgjigjen e pyetjeve të vjetra në lidhje me planetin tonë fqinj, veçanërisht nëse Afërdita ka qenë ndonjëherë aq i lagësht dhe i banueshëm sa Toka.
Aferdita (i njohur ndryshe si Venusi) është një trup qiellor i shkretë, i thatë dhe në dukje i pajetë.
Ky mision emocionues do të nisë në qershor 2029. Gjatë dy fluturimeve me ndihmën e gravitetit, DAVINCI do të studiojë majat e reve në dritën ultravjollcë, duke monitoruar lëvizjet e reve dhe duke analizuar kimikate misterioze që thithin rrezet ultraviolet.
Të dy fluturimet do të ekzaminojnë gjithashtu nxehtësinë e natës që buron nga sipërfaqja. Këto të dhëna gjeologjike do të pikturojnë një pamje globale të përbërjes së sipërfaqes dhe evolucionit të saj.
