Shumë njerëz preferojnë ta shohim më shumë Budizmin si një psikologji jete se sa si një fe të mirëfilltë. Në fakt, ajo është një nga fetë më të lashta, që praktikohet edhe sot nga rreth 200 milionë njerëz në të gjithë botën. E megjithatë, psikologji jete apo fe, këshillat janë tejet të vlefshme dhe mjaft të praktikueshme.
Po cili është sekreti i kësaj filozofie? Elementi që e ka lejuar këtë filozofi apo fe të rezistojëkalimin e kohës dhe të vazhdojë të jetë e zgjedhur nga njerëz të ndryshëm, është thjeshtësia me të cilën ajo transmeton mesazhet e mbushura me urtësi. Këto mesazhe mundet ta ndryshojnë cilësinë e jetës sonë.
Për ta kuptuar dhe për t’i marrë kuptimin, nuk është e nevojshme të jeni ndjekës të kësaj feje. Mjafton vetëm që të hapni zemrën dhe mendjen. Ndaj ju propozojmë 7 shprehjet më të mira budiste, të cilat mund ta ndryshojnë jetën tuaj.
1. Dhimbja është e paevitueshme, vuajtja opsionale
Duke marrë në konsideratë që njerëzit mund të lëndohen vetëm nga ajo që i japin rëndësi, evitimi i një vuajtjeje të kotë mund të konsistojë thjesht të bëni një hap pas, të shkëputeni emocionalisht dhe t’i shihni gjërat nën një tjetër këndvështrim. Kërkon përkushtim dhe kohë, por ia vlen barra qiranë të realizoni këtë mësim.
Për këtë qëllim, si guidë ju vjen në ndihmë një tjetër shprehje budiste, nga e cila mund të nisni ndryshimin:“Gjithçka që jemi është rezultat i asaj që kemi menduar; është e bazuar në mendimet tona, dhe po ashtu është e krijuar nga mendimet tona”.
2. Jini të lumtur, sepse çfarëdolloj vendi është këtu dhe çfarëdolloj momenti është tani
Është e zakonshme të mendoni për të kaluarën dhe njëkohësisht të jeni jashtëzakonisht të shqetësuar për të ardhmen. Kjo gjë ju bën të mos e jetoni momentin e tanishëm, ndërkohë që jetët tuaja ecin përpara në një mënyrë për të cilën nuk jeni të vetëdijshëm. Budizmi na mëson kuptimin e fjalëve “këtu” dhe “tani”. Ndaj, duhet të mësoni të jeni thellësisht të pranishëm dhe ta konsideroni çfarëdolloj momenti si të ishte i fundit.=
3. Kujdesuni për trupin si dhe për mendjen, sepse gjithçka është një gjë e vetme
Për të arritur një gjendje të vërtetë mirëqenieje është e paevitueshme që mendja dhe trupi të jenë në ekuilibër mes tyre. Përqendrohuni shumë mbi aspektin fizik, por, nga ana tjetër, aspekti i brendshëm ju ndihmon të ndiheni më të kënaqur dhe të vetëdijshëm për të tashmen, duke ju dhuruar një përmbushje më të madhe emotive.
4. Më mirë të veshim pantoflat sesa të shtrojmë gjithë botën me tapete
Për të gjetur paqen e brendshme, duhet të jeni të vetëdijshëm mbi mundësitë tuaja personale dhe të mësoni. Në këtë mënyrë, do të përjetoni një rritje të vërtetë dhe zhvillim personal.
5. Mos hidhëroni të tjerët me ato gjëra që ju shkaktojnë dhimbje
Bëhet fjalë për një nga këshillat më të vyera të budizmit, që na lejon të eliminojmë pothuajse të gjitha ligjet që diktojnë moralet e shoqërisë aktuale. Me një kuptim të ngjashëm me atë shprehjes “mos u bëj të tjerëve atë që nuk do të doje të ta bënin ty”. Ky refleksion i pestë shkon edhe më tej, pasi konsiston në një njohje të thellë të vetes dhe në një empati të madhe kundrejt të tjerëve dhe me të tjerët.
6. Nuk është më i pasur ai që ka më shumë, por ai që ka nevojë për më pak
Dëshira jonë për të pasur sa më shumë, si në këndvështrimin material, ashtu dhe atë emotiv është burim kryesor i të gjitha shqetësimeve apo dëshpërimeve tona. Kjo frazë do të thotë të mësojmë të jetojmë me pak dhe të dimë të pranojmë gjithçka që na ofron jeta në një moment të caktuar.
Kjo gjë do të na lejojë të kemi një jetë më të ekuilibruar, të ulim stresin dhe shumë tensione të brendshme. Fakti që dëshirojmë shumë gjëra, shpesh tregon vetëm mungesë sigurie, që ndihemi vetëm dhe se kemi nevojë të mbushim këto boshllëqe.
7. Që të kuptojmë gjithçka, duhet të harrojmë gjithçka
Kur jemi fëmijë mësojmë vazhdimisht. Harta jonë mendore nuk është vizatuar ende, gjë që na bën të hapur për “gjithçka” dhe na bën të kuptojmë çfarëdolloj gjëje. Nuk dimë të gjykojmë. Megjithatë, dorë pas dore që rritemi, mendja jonë mbushet me kushtëzime dhe norma sociale që na thonë sesi duhet të jemi, si duhet të jenë gjërat, si duhet të sillemi dhe madje edhe se çfarë duhet të mendojmë.
Bëhemi të pandërgjegjshëm për veten tonë dhe humbasim kuptimin e jetës sonë. Për të ndryshuar dhe për t’i parë gjërat nga një këndvështrim tjetër më i shëndetshëm për veten, duhet të mësojmë t’u largohemi besimeve, zakoneve dhe ideve që nuk dalin nga zemra. Për t’ia dalë, kjo shprehje budiste do t’ju ndihmojë që të filloni procesin e ndryshimit:“Në qiell nuk ka asnjë dallim mes lindjes dhe perëndimit, janë njerëzit ata që i krijojnë këto dallime në mendjen e tyre, dhe më pas të mendojnë se janë të vërteta”.
