Komisioneri Shtetëror i Zgjedhjeve, Ilirjan Celibashi, ka paralajmëruar kryebashkiaket dhe kandidatët potencial për kryetar bashkie që të mos bëjnë përurime të investimeve publike në prezencë të deputetëve apo ministrave.
Në një komunikim me gazetarët, Celibashi u shpreh se nëse ndodh diçka e tillë nuk do të hezitojnë që t’i sanksionojnë. Madje ai u shpreh se ka disa indicie, ndaj po bëjnë edhe verifikimet.
“Ka disa indicie që ka marrë KQZ në lidhje me atë që ju thatë, jemi në proces shqyrtimi të këtyre rasteve, por po shfrytëzoj rastin për të thënë që qoftë kryetarët e bashkive, qoftë funksionarë publike janë të detyruar të ushtrojnë kompetencën e tyre në përputhje me ligjin. Por është e dënueshme edhe formalisht nëse këtë aktivitet ata e kryejnë në shoqërinë e drejtuesve politike, deputetëve apo funksionarëve të tjerë.
Nëse do të duan të promovojnë arritjet e tyre, ditën e nesërme le të veshin bluzën e partisë politike, pa pjesëmarrjen e stafit dhe nëpunësve të bashkisë, por në rastin kur shkojnë për punë nuk ka arsye, nëse këtë e bëjnë duke shkuar me funksionarë politike, deputet apo kryetar bashkie. Nëse verifikojmë një rast të tillë nuk do kemi hezitim për t’i sanksionuar”, tha Celibashi.
The post Celibashi-kryebashkiakëve: Përurimet bëjini pa ministra e deputetë appeared first on 27.
