Bashkia Krujë nën drejtimin e Artur Bushit, po bën shpenzime për kontrata abuzive para fushatës elektorale. Bushi ka firmosur me datë 22 shkurt 2023 tenderin me objekt “Sistemim-asfaltim i rrugës “Albanopolis”. Në fakt, kjo është një rrugicë në lagjen e vogël Sallake në Krujë. Për këtë tender nga fondi i Bashkisë Krujë do të shpenzojë 85 milionë lekë për t’i hedhur një shtresë asfalti. Kështu, një punë sa për sy e faqe, pasi është bërë zakon që kryebashkiakët nuk i përfundojnë si duhet riparimet e rrugëve. Por nuk është vetëm kjo afera e thurur në këtë tender.
Kontrata është firmosur në shkelje të ligjit dhe kemi të bëjmë më fitues të paracaktuar. Sipas të dhënave të publikuara nga Open Data Albania, për këtë projekt kanë paraqitur ofertat e tyre vetëm dy firma. Kompania ‘’K.TURJA’’ sh.p.k u skualifikua që në fazën e parë dhe nuk është përcaktuar një argument formal për këtë. Kështu, në garë mbeti vetëm firma e Besnik Bamit “Bami SHPK”. Kryebashkiaku Artur Bushi ka firmosur kontratën me Bamin pa garë fare dhe në shkelje të rregullave. Prokurimi është vlerësuar me “Red Flag” për riskun që i kanoset fondeve të bashkisë dhe cenimin e hapur të ligjit.
Me këto veprime, edhe Bashkia Krujë po radhitet në listën e institucioneve që zhvillojnë projekte elektorale dhe kënaqin klientët e favorizuar. “Flamuri i Kuq” është një alarm, prandaj KPP dhe prokuroria duhet të veprojnë. Tani që zgjedhjet po afrojnë, çdo bashki ka zhvilluar të paktën 3 tenderë me “flamur të kuq”, por asnjë masë nuk është marrë.
Fituesi
Sikur e kemi cituar pak më lartë, Besnik Bami është mjaft i njohur për aferat me tenderët. Ai më së shumti përfiton kontrata pa garë nga bashkitë. Nga të dhënat e Open Data Albania rezulton se vetëm në katër vitet e fundit ai ka përfituar 178 milionë euro nga Thesari i Shtetit.
Kujtojmë se në janar të vitit 2019, bashkimi i dy operatorëve ekonomikë, “Bami” sh.p.k. dhe “Global Technical Mechanichs” u shpallën fitues të tenderit për zgjerimin e aeroportit të Kukësit dhe operimin për 35 vjet të tij me koncesion. Sipas marrëveshjes me qeverinë, fituesit do të investojnë rreth 8 milionë euro pa TVSH dhe më pas do të kenë të drejtë të shfrytëzojnë të ardhurat nga aeroporti për 35 vjet.
Lexo edhe: Rakip Suli i jep tenderin pa garë mikut të Veliajt, 700 milionë lekë për rrugicat në Babrru
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Bashkia Krujë nën drejtimin e Artur Bushit, po bën shpenzime për kontrata abuzive para fushatës elektorale. Bushi ka firmosur me datë 22 shkurt 2023 tenderin me objekt “Sistemim-asfaltim i rrugës “Albanopolis”. Në fakt, kjo është një rrugicë në lagjen e vogël Sallake në Krujë. Për këtë tender nga fondi i Bashkisë Krujë do të shpenzojë 85 milionë lekë për t’i hedhur një shtresë asfalti. Kështu, një punë sa për sy e faqe, pasi është bërë zakon që kryebashkiakët nuk i përfundojnë si duhet riparimet e rrugëve. Por nuk është vetëm kjo afera e thurur në këtë tender.
Kontrata është firmosur në shkelje të ligjit dhe kemi të bëjmë më fitues të paracaktuar. Sipas të dhënave të publikuara nga Open Data Albania, për këtë projekt kanë paraqitur ofertat e tyre vetëm dy firma. Kompania ‘’K.TURJA’’ sh.p.k u skualifikua që në fazën e parë dhe nuk është përcaktuar një argument formal për këtë. Kështu, në garë mbeti vetëm firma e Besnik Bamit “Bami SHPK”. Kryebashkiaku Artur Bushi ka firmosur kontratën me Bamin pa garë fare dhe në shkelje të rregullave. Prokurimi është vlerësuar me “Red Flag” për riskun që i kanoset fondeve të bashkisë dhe cenimin e hapur të ligjit.
Me këto veprime, edhe Bashkia Krujë po radhitet në listën e institucioneve që zhvillojnë projekte elektorale dhe kënaqin klientët e favorizuar. “Flamuri i Kuq” është një alarm, prandaj KPP dhe prokuroria duhet të veprojnë. Tani që zgjedhjet po afrojnë, çdo bashki ka zhvilluar të paktën 3 tenderë me “flamur të kuq”, por asnjë masë nuk është marrë.
Fituesi
Sikur e kemi cituar pak më lartë, Besnik Bami është mjaft i njohur për aferat me tenderët. Ai më së shumti përfiton kontrata pa garë nga bashkitë. Nga të dhënat e Open Data Albania rezulton se vetëm në katër vitet e fundit ai ka përfituar 178 milionë euro nga Thesari i Shtetit.
Kujtojmë se në janar të vitit 2019, bashkimi i dy operatorëve ekonomikë, “Bami” sh.p.k. dhe “Global Technical Mechanichs” u shpallën fitues të tenderit për zgjerimin e aeroportit të Kukësit dhe operimin për 35 vjet të tij me koncesion. Sipas marrëveshjes me qeverinë, fituesit do të investojnë rreth 8 milionë euro pa TVSH dhe më pas do të kenë të drejtë të shfrytëzojnë të ardhurat nga aeroporti për 35 vjet.
Lexo edhe: Rakip Suli i jep tenderin pa garë mikut të Veliajt, 700 milionë lekë për rrugicat në Babrru
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
