Lufta në Ukrainë ka hyrë në ditën e 363-të. Pas mbërritjes së tij të papritur në Kiev, të hënë, presidenti amerikan Joe Biden u nis për në Varshavë të Polonisë. Ndërkohë, ditën e martë ishte kryeministrja e Italisë Giorgia Meloni e cila mbërriti në kryeqytetin ukrainas me një tren, të nisur nga Polonia mbrëmjen e së hënës:
“Ishte detyra ime të vija këtu, jam e nderuar”, u shpreh Meloni për mediat ukrainase.
Shefja e qeverisë italiane vizitoi edhe qytezën e Buçës, ku shprehu dhe një herë mbështetjen për popullin e goditur nga lufta:
“Nuk jeni vetëm. Mund të mbështeteni te ne. Italia ka qenë dhe do të jetë me ju deri në fund. Ju keni gjithë mbështetjen tonë”, theksoi ajo.
The post Giorgia Meloni gjatë vizitës në Kiev: Ne jemi me ju appeared first on 27.
