Në një kohë që Ukraina dhe Rusia kanë shtuar numrin e forcave ushtarake në Ukrainën Lindore, Rusia duket se ndodhet pranë rrethimit të qytetit të Bakhmutit, ku për muaj të tërë janë zhvilluar beteja të ashpra. Korrespondentja e Zërit të Amerikës Heather Murdock, raporton nga ky qytet, ku banorët po jetojnë pa ngrohje, energji elektrike dhe ujë.
Kush ka mbetur ende në qytetin Bakhmut njeh dikë që ka vdekur nga bombardimet, por shumica e banorëve janë larguar shumë kohë më parë.
Qyteti ka qenë epiqendër e luftimeve më të ashpra në Ukrainë për muaj të tërë dhe ai shihet si simbol i rezistencës. Për Rusinë, marrja e qytetit do të ishte një hap i madh drejt qyteteve të mëdha aty afër, Kramatorsk dhe Sloviansk.
Në fund të janarit, forcat ruse nuk dukej se po përparonin me shpejtësi drejtë qytetit. Ka pasur raste kur forcat ruse kanë goditur me predha edhe një ambulancë që evakuonte civilët e plagosur dhe personelin mjekësor në qytetin Bakhmut, duke vrarë mjekun amerikan, Pete Reed.
Nën zhurmën e artilerisë së vazhdueshme vendasit thanë se kishin humbur gjithçka.
“Dyqani im është shkatërruar. Shtëpia ime është e madhe, por është bombarduar. Por ne jetojmë”, tha Lesya, banore e Bakhmutit derisa një shpërthim i madh u dëgjua shumë afër ku po realizohej intervista.
“Mos ki frikë. Këto janë shpërthime të vogla, vetëm bomba”.
Vetëm disa mijëra njerëz kanë mbetur në Bakhmut, kryesisht pa ngrohje, energji elektrike apo ujë të rrjedhshëm.
Në një strehë pranë tregut, vullnetarë ukrainas dhe të huaj shërbejnë ushqim, ujë dhe pije të nxehta. Vendasit thonë se ky vend i grumbullimit e lehtëson vetminë e të jetuarit nën sulm.
Vullnetarët thonë se po përpiqen të vendosin dushe në strehimore, pasi banorët janë bërë gjithnjë e më të prekshëm nga sëmundjet për shkak të kushteve të këqija higjenike.
“Ne folëm me një grua dhe pyetëm: ‘Kur ishte hera e fundit që bëre dush?’ Ajo tha se kanë kaluar dy muaj që kur kam larë këmbët”, tha Mykhailo Purushev, vullnetar që po ndihmon banorët e Bakhmutit.
Qytete dhe fshatra të tjerë aty pranë janë pothuajse tërësisht të braktisura ndërsa dy vendet luftojnë për kontroll.
Në këtë qytet, banorët e mbetur që kanë jetuar me bombardime për muaj të tërë, thonë se tani po përgatiten të largohen, ndërsa forcat ruse po afrohen.
Të tjerë thonë se planifikojnë të qëndrojnë në shtëpi, për arsye krenarie.
“Jemi mësuar të jetojmë pa gaz, ujë dhe drita. Gjëja kryesore që ne duam është që bombardimet të ndalen dhe Ukraina të mbijetojë. Për hir të Ukrainës, ne do t’i durojmë të gjitha këto”, tha Lesya, banore e qytetit Bkahmut.
Rusia dhe Ukraina kanë luftuar në këtë rajon nga viti 2014. Por prej fillimit të agresionit rus vitin e kaluar kanë vdekur më shumë se 7100 civilëve, ndërsa është shkatërruar në shkallë të gjerë infrastruktura në të gjithë vendin. /Voa/
Në një kohë që Ukraina dhe Rusia kanë shtuar numrin e forcave ushtarake në Ukrainën Lindore, Rusia duket se ndodhet pranë rrethimit të qytetit të Bakhmutit, ku për muaj të tërë janë zhvilluar beteja të ashpra. Korrespondentja e Zërit të Amerikës Heather Murdock, raporton nga ky qytet, ku banorët po jetojnë pa ngrohje, energji elektrike dhe ujë.
Kush ka mbetur ende në qytetin Bakhmut njeh dikë që ka vdekur nga bombardimet, por shumica e banorëve janë larguar shumë kohë më parë.
Qyteti ka qenë epiqendër e luftimeve më të ashpra në Ukrainë për muaj të tërë dhe ai shihet si simbol i rezistencës. Për Rusinë, marrja e qytetit do të ishte një hap i madh drejt qyteteve të mëdha aty afër, Kramatorsk dhe Sloviansk.
Në fund të janarit, forcat ruse nuk dukej se po përparonin me shpejtësi drejtë qytetit. Ka pasur raste kur forcat ruse kanë goditur me predha edhe një ambulancë që evakuonte civilët e plagosur dhe personelin mjekësor në qytetin Bakhmut, duke vrarë mjekun amerikan, Pete Reed.
Nën zhurmën e artilerisë së vazhdueshme vendasit thanë se kishin humbur gjithçka.
“Dyqani im është shkatërruar. Shtëpia ime është e madhe, por është bombarduar. Por ne jetojmë”, tha Lesya, banore e Bakhmutit derisa një shpërthim i madh u dëgjua shumë afër ku po realizohej intervista.
“Mos ki frikë. Këto janë shpërthime të vogla, vetëm bomba”.
Vetëm disa mijëra njerëz kanë mbetur në Bakhmut, kryesisht pa ngrohje, energji elektrike apo ujë të rrjedhshëm.
Në një strehë pranë tregut, vullnetarë ukrainas dhe të huaj shërbejnë ushqim, ujë dhe pije të nxehta. Vendasit thonë se ky vend i grumbullimit e lehtëson vetminë e të jetuarit nën sulm.
Vullnetarët thonë se po përpiqen të vendosin dushe në strehimore, pasi banorët janë bërë gjithnjë e më të prekshëm nga sëmundjet për shkak të kushteve të këqija higjenike.
“Ne folëm me një grua dhe pyetëm: ‘Kur ishte hera e fundit që bëre dush?’ Ajo tha se kanë kaluar dy muaj që kur kam larë këmbët”, tha Mykhailo Purushev, vullnetar që po ndihmon banorët e Bakhmutit.
Qytete dhe fshatra të tjerë aty pranë janë pothuajse tërësisht të braktisura ndërsa dy vendet luftojnë për kontroll.
Në këtë qytet, banorët e mbetur që kanë jetuar me bombardime për muaj të tërë, thonë se tani po përgatiten të largohen, ndërsa forcat ruse po afrohen.
Të tjerë thonë se planifikojnë të qëndrojnë në shtëpi, për arsye krenarie.
“Jemi mësuar të jetojmë pa gaz, ujë dhe drita. Gjëja kryesore që ne duam është që bombardimet të ndalen dhe Ukraina të mbijetojë. Për hir të Ukrainës, ne do t’i durojmë të gjitha këto”, tha Lesya, banore e qytetit Bkahmut.
Rusia dhe Ukraina kanë luftuar në këtë rajon nga viti 2014. Por prej fillimit të agresionit rus vitin e kaluar kanë vdekur më shumë se 7100 civilëve, ndërsa është shkatërruar në shkallë të gjerë infrastruktura në të gjithë vendin. /Voa/
