Dy emra të mëdhenj të futbollit botëror, Barcelona dhe Manchester United janë ndeshur këtë të enjte në ndeshjen e vlefshme për Europa League, e cila është mbyllur në barazim 2-2 në “Camp Nou”.
Pjesa e parë e ndeshjes u mbyll me rrjeta të paprekura, ndërsa në 45 minutat e dyta u realizuan 4 gola. Fillimisht ishin vendasit që kaluan në avantazh me një gol të realizuar nga Alonso në minutën e 50, por festa e katalanasve zgjati vetëm 3 minuta pasi Rashford barazoi rezultatin. Në minutën e 59, Kounde realizoi një autogol duke kthyer avantazhin në anën e “Djajve të Kuq”.
Për të vulosur rezultatin mendoi braziliani Raphina në minutën e 76. Tashmë, për të mësuar ekipin e kualifikuar për në fasën e ardhshme duhet të presim edhe 90 minutat që do të luhen në Angli.
Ndërkohë, Roma e Mourinhos zhgënjeu në ndeshjen e parë ndaj Salzburgut, teksa u mposht me një gol në minutat e fundit në takimin e zhvilluar në Austri.
Në ndeshjet e tjera, Shakhtar Donetsk mposhti 2-1 Rennes, ndërsa Ajax-Union Berlin u mbyll në barazim pa gola.
