Bashkia Elbasan nuk iu ndahet tenderëve pa garë. Këtë herë kryetari Gledjan Llatja do të shpenzojë 30 milionë lekë (të reja) për të blerë naftë për institucionet në varësi të bashkisë. Tenderi është mbyllur me 15 shkurt 2023, por fituesi ka rrëmbyer kontratën në mënyrë të pamerituar. Për çudi, në këtë tender kanë paraqitur oferta edhe firmat e njohura për lidhjet me kryeministrin, “Kastrati shpk” dhe “Gega Center GKG” sh.p.k”.
Shefqet Kastrati dhe Paulin Gega, të njohur si oligarkët që krijuan monopol në tregun e naftës, nuk kanë fituar këtë herë. Me sa duket Llatja po kërkon të fusë në treg një kompani nga Elbasani. Firma “AD OIL” sh.p.k, në pronësi të Afrim Dybelit, nuk ka ndonjë pjesëmarrje në fushën e prokurimeve, megjithatë duket e favorizuar nga kryebashkiaku.
Edhe pse vlera e të tria ofertave ka qenë e njëjtë, Llatja ka skualifikuar Gegën dhe Kastratin me argumentin se nuk kanë deklaruar që të kenë një pikë karburanti në autostradën Tiranë-Elbasan, ose Elbasan-Cerrik.
Kështu, në proces ka mbetur vetëm firma “AD OIL” sh.p.k, fitoi kontratën pa konkurrencë. Për këto shkelje tenderi mban “flamurin e kuq” nga monitoruesi Open Data për arsye se mbart një risk të shtuar për buxhetin e bashkisë. Kujtojmë se këto tenderë me “Red-Flag” përbënin pjesën më të madhe të prokurimeve në Bashkinë Elbasan.
Ndërkohë ajo që bie në sy është se fituesi nuk është aq i rastësishëm. Ky devijim duket më shumë si prishje e pazareve mes kryebashkiakut dhe dy oligarkëve Kastrati dhe Gega. Sepse sikur pamë më lartë arsyeja për skualifikim e tyre është disi qesharake “mos deklarimi i një pike karburanti pranë Elbasanit”.
Në fakt, si në hyrje dhe në dalje të qytetit të paktën një nga dy kompanitë ka një pikë karburanti.
Sakaq, shtojmë këtu edhe faktin që Kastrati ka marrë shumë herë të tjera tenderë në shkelje të ligjit nga Llatja. Të dy kanë firmosur projekte me mungesë kriteresh dhe ofertë të shtrenjtë. Por, kryebashkiaku e ka ndarë mendjen të vazhdojë aferën me një kompani tjetër. Dy hipoteza mund të shtrojmë për këtë vendim të Llatjas.: Dy oligarkët janë futur në këtë tender fiktivisht. Ose Llatja që është fund të mandatit, ka zgjedhur të ndahet me Kastratin. Për të zgjedhur një partner të ri në blerjet e karburantit.
Lexo edhe: Llatja u jep “Vëllezërve Hysa” 1.5 mld lekë për asfaltim rrugicash
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Bashkia Elbasan nuk iu ndahet tenderëve pa garë. Këtë herë kryetari Gledjan Llatja do të shpenzojë 30 milionë lekë (të reja) për të blerë naftë për institucionet në varësi të bashkisë. Tenderi është mbyllur me 15 shkurt 2023, por fituesi ka rrëmbyer kontratën në mënyrë të pamerituar. Për çudi, në këtë tender kanë paraqitur oferta edhe firmat e njohura për lidhjet me kryeministrin, “Kastrati shpk” dhe “Gega Center GKG” sh.p.k”.
Shefqet Kastrati dhe Paulin Gega, të njohur si oligarkët që krijuan monopol në tregun e naftës, nuk kanë fituar këtë herë. Me sa duket Llatja po kërkon të fusë në treg një kompani nga Elbasani. Firma “AD OIL” sh.p.k, në pronësi të Afrim Dybelit, nuk ka ndonjë pjesëmarrje në fushën e prokurimeve, megjithatë duket e favorizuar nga kryebashkiaku.
Edhe pse vlera e të tria ofertave ka qenë e njëjtë, Llatja ka skualifikuar Gegën dhe Kastratin me argumentin se nuk kanë deklaruar që të kenë një pikë karburanti në autostradën Tiranë-Elbasan, ose Elbasan-Cerrik.
Kështu, në proces ka mbetur vetëm firma “AD OIL” sh.p.k, fitoi kontratën pa konkurrencë. Për këto shkelje tenderi mban “flamurin e kuq” nga monitoruesi Open Data për arsye se mbart një risk të shtuar për buxhetin e bashkisë. Kujtojmë se këto tenderë me “Red-Flag” përbënin pjesën më të madhe të prokurimeve në Bashkinë Elbasan.
Ndërkohë ajo që bie në sy është se fituesi nuk është aq i rastësishëm. Ky devijim duket më shumë si prishje e pazareve mes kryebashkiakut dhe dy oligarkëve Kastrati dhe Gega. Sepse sikur pamë më lartë arsyeja për skualifikim e tyre është disi qesharake “mos deklarimi i një pike karburanti pranë Elbasanit”.
Në fakt, si në hyrje dhe në dalje të qytetit të paktën një nga dy kompanitë ka një pikë karburanti.
Sakaq, shtojmë këtu edhe faktin që Kastrati ka marrë shumë herë të tjera tenderë në shkelje të ligjit nga Llatja. Të dy kanë firmosur projekte me mungesë kriteresh dhe ofertë të shtrenjtë. Por, kryebashkiaku e ka ndarë mendjen të vazhdojë aferën me një kompani tjetër. Dy hipoteza mund të shtrojmë për këtë vendim të Llatjas.: Dy oligarkët janë futur në këtë tender fiktivisht. Ose Llatja që është fund të mandatit, ka zgjedhur të ndahet me Kastratin. Për të zgjedhur një partner të ri në blerjet e karburantit.
Lexo edhe: Llatja u jep “Vëllezërve Hysa” 1.5 mld lekë për asfaltim rrugicash
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
