Ministrja e Shëndetësisë, Ogerta Manastirliu, do të shpenzojë 35 milionë lekë për të ftuarit e Qendrës Spitalore Universitare Tiranë (QSUT). Drejtorja Albana Fico paska disa të ftuar për muajt në vazhdim dhe Manastirliu është kujdesur që ata të akomodohen në mënyrë luksoze për gjashtë muaj! Bëhet fjalë për tenderin me objekt “ Shërbime hotelerie dhe ushqim për një periudhë 6 mujore”. Në dispozicion është vënë fondi me vlerë 35 milionë lekë dhe kohëzgjatja e kontratës 6 muaj. Kontrata është korruptive, duke shtuar listën e tenderëve abuzivë të Manastirliut. Së pari, fituesi është shpallur pa garë dhe vlera e ofruar kap 96% të fondit limit.
Sipas dokumenteve që Gijotina.com i disponon, vihet re se kanë paraqitur ofertë për këtë prokurim 3 firma, ku 2 prej tyre janë eliminuar në fazën e parë të prokurimit. Komisioni dha “argumentin” se këto firma nuk kanë paraqitur dokumentet e plota që të tregojnë se hotelet e tyre mund të sigurojnë akomodim të mirë për vizitorët. Kështu, në garë mbeti vetëm firma “Hotel Victoria” shpk. Fico i dha tenderin këtij hoteli pa garë fare, por në shkelje të hapur të ligjit për konkurrencën. Drejtoresha nuk pyeti se kjo firmë kishte paraqitur ofertën më të shtrenjtë.
Kështu 35 milionë lekë ikën nga fondet e Shëndetësisë për të akomoduar vizitorët për 6 muaj. Sigurisht paratë janë xhiruar në xhepin e fituesit të paracaktuar, mikut të Manastirliut. Dhënia e tenderëve pa garë është kthyer në “trend” nga ministrja Manastirliu dhe vartësit e saj, por asnjë masë nuk merret për këtë situatë, duke qenë se gëzon mbështetjen e kryeministrit Rama.
11 mln lekë për një person
Ndërkohë skandali thellohet edhe më shumë, po të shohim hotelin në të cilin do të flenë këta vizitorë. Edhe pse dhomat e hotelit do të përdoret vetëm në mbrëmje për të fjetur, se gjatë ditës Fico edhe mund t’i shëtisë vizitorët nëpër pavione, kostoja është marramendëse.
Ajo që bie më shumë në sy në këto dokumente është se në hotel do të akomodohen vetëm 3 persona. Pra, minimalisht do të shpenzohen 11 milionë lekë për person në 6 muaj qëndrim. Konkretisht 1.9 milionë lekë në një muaj do të shpenzoj 1 nga vizitorët për akomodimin dhe ushqimin në hotel, pa përfshirë këtu drekat dhe darkat jashtë hotelit. Me kaq lekë përballojnë shpenzimet mujore të paktën 3 familje!
Luks i shfrenuar për vizitorët
Ndërkohë vizitorët e Ficos do të jetojnë në luks për 6 muaj. Në dokument përmendet se hoteli nuk duhet të ketë më pak se tre yje dhe çdo ditë 3 vizitorëve do t’iu sigurohet transporti për në QSUT.
Gijotina.com ka hulumtuar dhe ka siguruar disa pamje të ambienteve të brendshme të Hotel Viktoria. Objekti ndodhet në rrugën e Dibrës, shumë pranë QSUT dhe është hotel me 4 yje.
Nga fotot, duket që hoteli ka ambiente luksi, dhoma super të mëdha dhe me kushte të mira. Ky hotel do iu sigurojë vizitorëve secilit nga një dhomë më vete. Madje dhe lavanderinë dhe transportin në kushte komode sipas kërkesave të tyre. Transporti do të bëhet sipas nevojave të tyre, pse jo dhe shërbimi në dhomë.
Kështu tre të ftuarit do të lundrojnë në luks sa kohë do të qëndrojnë në Shqipëri. Çdo gjë duhet të jetë në gatishmëri të tyre!
Në anën tjetër kushtet në spitale janë si mos më keq: Pa ngrohje, me pajisje të vjetra, shtretër të shkatërruar, mungesë higjiene dhe shërbim i kompromentuar nga korrupsioni dhe ryshfetet. Por, për Manastirliun më shumë rëndësi ka t’u shërbejë miqve, ndërsa abuzimet mbulohen me propagandë dhe fasada.
Lexo edhe: Albana Fico në gjurmët e Jotit, i fal Luan Leklit 19 milionë lekë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Ministrja e Shëndetësisë, Ogerta Manastirliu, do të shpenzojë 35 milionë lekë për të ftuarit e Qendrës Spitalore Universitare Tiranë (QSUT). Drejtorja Albana Fico paska disa të ftuar për muajt në vazhdim dhe Manastirliu është kujdesur që ata të akomodohen në mënyrë luksoze për gjashtë muaj! Bëhet fjalë për tenderin me objekt “ Shërbime hotelerie dhe ushqim për një periudhë 6 mujore”. Në dispozicion është vënë fondi me vlerë 35 milionë lekë dhe kohëzgjatja e kontratës 6 muaj. Kontrata është korruptive, duke shtuar listën e tenderëve abuzivë të Manastirliut. Së pari, fituesi është shpallur pa garë dhe vlera e ofruar kap 96% të fondit limit.
Sipas dokumenteve që Gijotina.com i disponon, vihet re se kanë paraqitur ofertë për këtë prokurim 3 firma, ku 2 prej tyre janë eliminuar në fazën e parë të prokurimit. Komisioni dha “argumentin” se këto firma nuk kanë paraqitur dokumentet e plota që të tregojnë se hotelet e tyre mund të sigurojnë akomodim të mirë për vizitorët. Kështu, në garë mbeti vetëm firma “Hotel Victoria” shpk. Fico i dha tenderin këtij hoteli pa garë fare, por në shkelje të hapur të ligjit për konkurrencën. Drejtoresha nuk pyeti se kjo firmë kishte paraqitur ofertën më të shtrenjtë.
Kështu 35 milionë lekë ikën nga fondet e Shëndetësisë për të akomoduar vizitorët për 6 muaj. Sigurisht paratë janë xhiruar në xhepin e fituesit të paracaktuar, mikut të Manastirliut. Dhënia e tenderëve pa garë është kthyer në “trend” nga ministrja Manastirliu dhe vartësit e saj, por asnjë masë nuk merret për këtë situatë, duke qenë se gëzon mbështetjen e kryeministrit Rama.
11 mln lekë për një person
Ndërkohë skandali thellohet edhe më shumë, po të shohim hotelin në të cilin do të flenë këta vizitorë. Edhe pse dhomat e hotelit do të përdoret vetëm në mbrëmje për të fjetur, se gjatë ditës Fico edhe mund t’i shëtisë vizitorët nëpër pavione, kostoja është marramendëse.
Ajo që bie më shumë në sy në këto dokumente është se në hotel do të akomodohen vetëm 3 persona. Pra, minimalisht do të shpenzohen 11 milionë lekë për person në 6 muaj qëndrim. Konkretisht 1.9 milionë lekë në një muaj do të shpenzoj 1 nga vizitorët për akomodimin dhe ushqimin në hotel, pa përfshirë këtu drekat dhe darkat jashtë hotelit. Me kaq lekë përballojnë shpenzimet mujore të paktën 3 familje!
Luks i shfrenuar për vizitorët
Ndërkohë vizitorët e Ficos do të jetojnë në luks për 6 muaj. Në dokument përmendet se hoteli nuk duhet të ketë më pak se tre yje dhe çdo ditë 3 vizitorëve do t’iu sigurohet transporti për në QSUT.
Gijotina.com ka hulumtuar dhe ka siguruar disa pamje të ambienteve të brendshme të Hotel Viktoria. Objekti ndodhet në rrugën e Dibrës, shumë pranë QSUT dhe është hotel me 4 yje.
Nga fotot, duket që hoteli ka ambiente luksi, dhoma super të mëdha dhe me kushte të mira. Ky hotel do iu sigurojë vizitorëve secilit nga një dhomë më vete. Madje dhe lavanderinë dhe transportin në kushte komode sipas kërkesave të tyre. Transporti do të bëhet sipas nevojave të tyre, pse jo dhe shërbimi në dhomë.
Kështu tre të ftuarit do të lundrojnë në luks sa kohë do të qëndrojnë në Shqipëri. Çdo gjë duhet të jetë në gatishmëri të tyre!
Në anën tjetër kushtet në spitale janë si mos më keq: Pa ngrohje, me pajisje të vjetra, shtretër të shkatërruar, mungesë higjiene dhe shërbim i kompromentuar nga korrupsioni dhe ryshfetet. Por, për Manastirliun më shumë rëndësi ka t’u shërbejë miqve, ndërsa abuzimet mbulohen me propagandë dhe fasada.
Lexo edhe: Albana Fico në gjurmët e Jotit, i fal Luan Leklit 19 milionë lekë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
