Gjatë fundit të janarit, raportohej se francezi Benjamin Pavard do të firmoste me Interin e Milanos. Ky transferim do të vinte vetëm në rast të largimit të Milan Skriniar te francezët e PSG që në këtë merkato.
Për situatën e Pavard me zikaltrit, ka folur për gazetën gjermane “Bild” vetë drejtori sportiv i bavarezëve, Hasan Salihamidzic. “Ditën e fundit të janarit morëm një ofertë për Pavard, per e refuzuam atë. I pari në klubin tonë është aspekti sportiv.” – u shpreh Salihamidzic
Megjithatë, nëse Bayern do t’i kishte dhënë një dritë jeshile Interit për mbrojtësin francez, me shumë mundësi lomkbardët do ta kishin shitur që në janar Skriniar te PSG.
Në këto momente, sllovaku vazhdon të jetë ende pjesë integrale e formacionit zikaltër por klubi i ka hequr shiritin e kapitenit.
