Kryetarja e Bashkisë Përmet vendosi se kush do t’ia ndriçojë qytetin me energji inteligjente. Me datë 30 dhjetor Hoxha palli tenderin me termat e çuditshëm që shpjegojnë objektin e saj. Bëhet fjalë për prokurimin me qëllim “Ndriçim publik në kuadër të projektit “Bashki me energji inteligjente”. Për të cilin do të shpenzohen më shumë se gjysmë milioni lekë.
Fillimisht duhet të sqarojmë se projekti me objekt “Energji Inteligjente”, do të thotë se Bashkia Përmet do të blejë paisje ndriçuese të cilat funksionojnë me energji diellore dhe ndizen automatikisht sapo errësohet.
Qe në prezantimin e këtij projekti bie në sy fondi i lartë që do të shpërdorohet. Ndërsa tashmë që u firmos edhe kontrata evidentohen një sërë shkeljesh të tjera. Së pari, tenderi është dhënë pa garë, për më tepër te dy oligarkë që përpijnë fondet e prokurimeve.
Në kontratë shihet se janë paraqitur 5 oferta. Të cilat janë skuafikuara nga Alma Hoxha në fazën e parë me argumentin se nuk kanë deklaruar punonjës inxhinier elektrik. Pas skualifikimeve në fazën e parë, për në fazën e dytë ka kaluar vetëm oferta e firmave “REJ shpk” & “2 T shpk” që kanë garuar si bashkim operatorësh.
Oferta e tyre ka qenë me vlerë 54 422 970,00 lekë, pra sa 99%e fondit limit. Si dhe më e shtrenjta nga ofertat e tjera. Por, Hoxha i ka anashkaluar këto dhe ua ka dhënë kontratën pa garë fare. Duke shkelur edhe ligjin për konkurrencën e lirë.
Në këtë kuadër, tenderi për energji inteligjente merr flamurin e kuq dhe kthehet ne projekt për “vjedhje inteligjente”. Çështje që për më shumë duhet të merret SPAK.
Dy fituesit
Fakt tjetër që na tregon abuzimin që është bërë më këtë projekt janë fituesit. Pronari i firmës “Rej” është Luan Kapri. I njohur për vjedhjet që bënë me tenderët. Ndërsa pronari i firmës “2 T” shpk është Artan Sako, vëllai i kreut të Gardës Gramos Sako.Luan Kapri njihet për tenderët pa garë që merren nga bashkitë, por edhe nga çdo institucion tjetër publik në fusha të ndryshme.
Emri i tij është lakuar në super projektet e ndërtimit, për infrastrukturën rrugore dhe mirëmbajtje. Madje në muajt e fundit ka pasur disa përplasje mes tij dhe kreut të ARRSH, Ersvis Berberi, mes të cilëve sikur duket ka prishje pazaresh.
Ndërkohë, edhe Artan Sako përmes firmë së tij ka përfituar shumë tenderë. Duke qenë se ka një mik mjaft të fortë pranë qeverisë. Vëllai i tij si shef i Gardës me njohjet që posedon, ka arritur t’i sigurojë Artanit miliona euro tenderë.
Madje, Vetëm gjatë viteve të fundit, kompania e komandantit të Gardës, kamufluar nën emrin e të vëllait, ka marrë rreth 70 tenderë me vlerë mbi 100 milionë euro, kryesisht me flamuj të kuq korrupsioni, me oferta gati sa fondi limit, me garë formale dhe pa garë fare, me një pjesë të dokumentacionit false dhe gjithnjë duke manipuluar me volumin e punimeve.
Tenderët e paracaktuar i ka marrë për pastrim të plehrave, ndërtim rrugësh, mirëmbajtje rrugësh, ujësjellësa, kanalizime, rehabilitim digash, sheshe ndërtimi, rivitalizim parqesh etj.
Lexo edhe: Vazhdon sherri për 60 mln lekë/ Luan Kapri denoncon Ervis Berberin
The post Energjia inteligjente/ Alma Hoxha iu fal 540 mln lekë Luan Kaprit appeared first on 27.
