Ende pa nisur mirë fushata zgjedhore dhe 3 muaj para zgjedhjeve, filluan shpërdorimet në KQZ. Me datë 6 shkurt 2023, në Komisionin e Prokurimeve Publike është bërë një denoncim për një tender të KQZ-së. Bëhet fjalë për prokurimin me objekt “Dhoma të fshehta dhe kuti kartoni”. Në çdo vit zgjedhjesh KQZ shpenzon miliona lekë për të blerë dhoma të fshehta, ku do të futen votuesit për të votuar.
Por, në çdo vit rrit edhe vlerën e shpenzimeve. Këtë herë do të derdhen 320 milionë lekë për të blerë kuti kartoni dhe dhomat e fshehta. Por nuk mbaron me kaq! Tenderi është denoncuar nga firma Dynamicx GROUP për shkelje të ligjit të prokurimeve.
Ankimuesi shprehet se KQZ ka kërkuar që operatorët të kenë në dispozicion një makineri parapërgatitje CTP. Që në fakt nuk do të hyjë në punë, pasi shtypja e kutive të kartonëve nuk bëhet me këtë format.
Prandaj ankimuesi kërkon që të hiqet kjo pikë nga dokumentet e tenderit dhe të vihen kritere për makineri të tjera që përdoren gjithmonë për këto raste. Ndërkohë ngrihen dyshimet se KQZ e drejtuar nga Ilirjan Celibashi, ka vendosur kushtin mbi makinerinë e mësipërme si kriter, pasi ka gjasa që atë ta posedojë ndonjë firmë e paravendosur për t’i marrë këto para. Gjithsesi, mbetet për t’u parë vendimi që do të japë KPP pas kontrolleve.
6 denoncime në pak javë
Denoncimi i mësipërm bëhet i gjashti në radhë në pak javë ndaj tenderëve të KQZ. Kështu, çdo tender që ka hapur Ilirjan Celibashi për të përgatitur zgjedhjet e majit, ka përfunduar në KPP. Ankesa e parë u dorëzua me datë 19 janar 2023, për tenderin me objekt “Prodhim zarfe sigurie dhe procesverbale me letër kimike”. Ky u anulua më pas nga KPP dhe u kërkua rishikim i dokumenteve.
Më 27 Janar 2023 u bë një tjetër ankesë për prokurimin me objekt “Blerje materiale kancelarie”.Tri ditë më pas, më datë 30 janar 2023 u bënë dy denoncime për kontratën që ka në objekt “Blerje kuti votimi dhe kuti materiale zgjedhore”. Dhe nuk janë pak, por planifikohen të shpenzohet rreth 40 milionë lekë për kutitë.
Ndërkohë, me datë 1 shkurt 2023 është denoncuar kontrata me objekt “Blerje materiale kancelarie” me fond limit rreth 36 milionë lekë.
Dhe i fundit ishte denoncimi i sipërpërmendur për procedurën “Prodhim dhoma të fshehtësisë dhe kuti kartoni”
“Për zgjedhjet për organet e qeverisjes vendore zgjedhësi voton me dy fleta votimi me formë të njëjtë dhe me ngjyra të ndryshme, një për kryetarin e njësisë së qeverisjes vendore dhe një për këshillin e bashkisë. Na ndajnë vetëm pak muaj nga zgjedhjet vendoret që do të mbahen me 14 maj. KQZ po përgatitet për të pasur çdo gjë gati, por me sa duket Celibashit i rri mendja si të përfitojë nga ky lumë kontratash që do të prokurohen.
Lexo edhe: Celibashi merr me qira printerat e KQZ-së për 160 mln lekë, tenderi i denoncohet
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Ende pa nisur mirë fushata zgjedhore dhe 3 muaj para zgjedhjeve, filluan shpërdorimet në KQZ. Me datë 6 shkurt 2023, në Komisionin e Prokurimeve Publike është bërë një denoncim për një tender të KQZ-së. Bëhet fjalë për prokurimin me objekt “Dhoma të fshehta dhe kuti kartoni”. Në çdo vit zgjedhjesh KQZ shpenzon miliona lekë për të blerë dhoma të fshehta, ku do të futen votuesit për të votuar.
Por, në çdo vit rrit edhe vlerën e shpenzimeve. Këtë herë do të derdhen 320 milionë lekë për të blerë kuti kartoni dhe dhomat e fshehta. Por nuk mbaron me kaq! Tenderi është denoncuar nga firma Dynamicx GROUP për shkelje të ligjit të prokurimeve.
Ankimuesi shprehet se KQZ ka kërkuar që operatorët të kenë në dispozicion një makineri parapërgatitje CTP. Që në fakt nuk do të hyjë në punë, pasi shtypja e kutive të kartonëve nuk bëhet me këtë format.
Prandaj ankimuesi kërkon që të hiqet kjo pikë nga dokumentet e tenderit dhe të vihen kritere për makineri të tjera që përdoren gjithmonë për këto raste. Ndërkohë ngrihen dyshimet se KQZ e drejtuar nga Ilirjan Celibashi, ka vendosur kushtin mbi makinerinë e mësipërme si kriter, pasi ka gjasa që atë ta posedojë ndonjë firmë e paravendosur për t’i marrë këto para. Gjithsesi, mbetet për t’u parë vendimi që do të japë KPP pas kontrolleve.
6 denoncime në pak javë
Denoncimi i mësipërm bëhet i gjashti në radhë në pak javë ndaj tenderëve të KQZ. Kështu, çdo tender që ka hapur Ilirjan Celibashi për të përgatitur zgjedhjet e majit, ka përfunduar në KPP. Ankesa e parë u dorëzua me datë 19 janar 2023, për tenderin me objekt “Prodhim zarfe sigurie dhe procesverbale me letër kimike”. Ky u anulua më pas nga KPP dhe u kërkua rishikim i dokumenteve.
Më 27 Janar 2023 u bë një tjetër ankesë për prokurimin me objekt “Blerje materiale kancelarie”.Tri ditë më pas, më datë 30 janar 2023 u bënë dy denoncime për kontratën që ka në objekt “Blerje kuti votimi dhe kuti materiale zgjedhore”. Dhe nuk janë pak, por planifikohen të shpenzohet rreth 40 milionë lekë për kutitë.
Ndërkohë, me datë 1 shkurt 2023 është denoncuar kontrata me objekt “Blerje materiale kancelarie” me fond limit rreth 36 milionë lekë.
Dhe i fundit ishte denoncimi i sipërpërmendur për procedurën “Prodhim dhoma të fshehtësisë dhe kuti kartoni”
“Për zgjedhjet për organet e qeverisjes vendore zgjedhësi voton me dy fleta votimi me formë të njëjtë dhe me ngjyra të ndryshme, një për kryetarin e njësisë së qeverisjes vendore dhe një për këshillin e bashkisë. Na ndajnë vetëm pak muaj nga zgjedhjet vendoret që do të mbahen me 14 maj. KQZ po përgatitet për të pasur çdo gjë gati, por me sa duket Celibashit i rri mendja si të përfitojë nga ky lumë kontratash që do të prokurohen.
Lexo edhe: Celibashi merr me qira printerat e KQZ-së për 160 mln lekë, tenderi i denoncohet
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
