Drejtoresha e QSUT-së, Albana Fico, po ndjek gjurmët e paraardhësit të saj Enkelejd Joti, i cili tashmë drejton televizionin shtetëror RTSH. Ajo ka nënshkruar një tender në shkelje të ligjit të prokurimeve më datë 24 janar 2023. Bëhet fjalë për tenderin me objekt “blerje Antineoplastike dhe immunomodulatore, 2-cladribine 10 gr”.
Konkretisht Fico po kërkon të blejë ilaçe për nevojat e QSUT-së. Ashtu siç bënte Joti, ilaçet vazhdojnë të blihen në disa duar që kanë krijuar kartelin mafioz të përfitimit të tenderëve publikë të spitaleve. Sipas dokumenteve të publikuara, tenderi është dhënë pa garë. Vetëm firma “Lekli” e Luan Leklit ka paraqitur ofertë. Sipas ligjit, drejtoresha Fico duhej të anulonte tenderin dhe të rishikonte kriteret. Por, ajo ia ka falur pa garë Leklit dhe ka firmosur kontratën në mospërputhje me ligjin për prokurimet.
Shtojmë këtu faktin se fondi limit dhe oferta e Leklit janë në të njëjtin nivel, në vlerën 19 milionë lekë. Kjo është një tjetër shkelje, e cila shton dyshimet se kemi të bëjmë me fitues të paracaktuar. Fico ka firmosur kontratën me Leklin dhe ky fundit do të furnizojë me ilaçe QSUT-në për 2 vjet. Meqenëse kontrata mban riskun e abuzimit dhe korrupsionit me fondin, Open Data e ka klasifikuar me “Flamur të kuq” si shenjë alarmi.
Historia përsëritet
Shpërdorimi i parave të të destinuara për ilaçet në QSUT është rast që përsëritet. Kjo skemë abuzimi është përdorur shumë herë kur në krye të këtij institucioni ishte Enkelejd Joti.
Sakaq, kujtojmë se pak javë para se të largohej, në nëntor të 2021, Enkelejd Joti u bë pjesë një skandali sëbashku me Luan Leklin. Të dy ata kishin futur ilaçe kontrabandë në QSUT. Miliarda lekë të vjedhura dhe ilaçe të pakontrolluara për fëmijët.
Dyshja kanë realizuar dy tenderë 1.3 miliard lekë për një medikament që nuk rezulton i regjistruar dhe që nuk është i autorizuar për t’u tregtuar në Shqipëri. Luan Lekli ka marrë rreth 200 tenderë të dyshimtë, me vlerë miliona euro në Shëndetësi.
Mashtrimet e Leklit
Dy bashkëpunimet e fundit të skuadrës Joti-Lekli kapin shifra marramendëse. Më 25 qershor 2019, Enkelejd Joti i ka dhënë me paracaktim dhe pa konkurrencë Luan Leklit një tender me vlerë 740 milionë lekë për furnizimin me medikamentin ‘Velaglucerase Alfa 400 UI’ për shërbimin e pediatrisë. Oferta fituese ishte sa fondi limit.
Në 29 tetor 2020, Enkelejd Joti i ka dhënë një tjetër tender Luan Leklit, sërish për furnizimin e pediatrisë me barin ‘Velaglucerase Alfa 400 UI’, me vlerë 580 milionë lekë. Edhe këtë tender e ka marrë me paracaktim dhe me ofertë sa fondi limit.
Bari ‘Velaglucerase Alfa 400 UI’, për të cilin Luan Lekli ka marrë 1.3 miliardë lekë, nuk rezulton i regjistruar në regjistrin kombëtar të barnave, të paktën deri në momentin kur është firmosur fituesi i tenderit. Pra, bari është futur në mënyrë të paligjshme.
Nisur nga ky fakt lehtësisht i verifikueshëm, më e pakta kemi të bëjmë me një skemë mashtrimi të realizuar nga Luan Lekli dhe Enkelejd Joti, sepse janë xhiruar paratë publike tek subjekti që nuk ka pasur autorizim për tregtimin dhe importimin e medikamentit që është kërkuar në tender. Duket se zakonin e tij po e vazhdon më së miri Albana Fico.
Drejtoresha e QSUT-së, Albana Fico, po ndjek gjurmët e paraardhësit të saj Enkelejd Joti, i cili tashmë drejton televizionin shtetëror RTSH. Ajo ka nënshkruar një tender në shkelje të ligjit të prokurimeve më datë 24 janar 2023. Bëhet fjalë për tenderin me objekt “blerje Antineoplastike dhe immunomodulatore, 2-cladribine 10 gr”.
Konkretisht Fico po kërkon të blejë ilaçe për nevojat e QSUT-së. Ashtu siç bënte Joti, ilaçet vazhdojnë të blihen në disa duar që kanë krijuar kartelin mafioz të përfitimit të tenderëve publikë të spitaleve. Sipas dokumenteve të publikuara, tenderi është dhënë pa garë. Vetëm firma “Lekli” e Luan Leklit ka paraqitur ofertë. Sipas ligjit, drejtoresha Fico duhej të anulonte tenderin dhe të rishikonte kriteret. Por, ajo ia ka falur pa garë Leklit dhe ka firmosur kontratën në mospërputhje me ligjin për prokurimet.
Shtojmë këtu faktin se fondi limit dhe oferta e Leklit janë në të njëjtin nivel, në vlerën 19 milionë lekë. Kjo është një tjetër shkelje, e cila shton dyshimet se kemi të bëjmë me fitues të paracaktuar. Fico ka firmosur kontratën me Leklin dhe ky fundit do të furnizojë me ilaçe QSUT-në për 2 vjet. Meqenëse kontrata mban riskun e abuzimit dhe korrupsionit me fondin, Open Data e ka klasifikuar me “Flamur të kuq” si shenjë alarmi.
Historia përsëritet
Shpërdorimi i parave të të destinuara për ilaçet në QSUT është rast që përsëritet. Kjo skemë abuzimi është përdorur shumë herë kur në krye të këtij institucioni ishte Enkelejd Joti.
Sakaq, kujtojmë se pak javë para se të largohej, në nëntor të 2021, Enkelejd Joti u bë pjesë një skandali sëbashku me Luan Leklin. Të dy ata kishin futur ilaçe kontrabandë në QSUT. Miliarda lekë të vjedhura dhe ilaçe të pakontrolluara për fëmijët.
Dyshja kanë realizuar dy tenderë 1.3 miliard lekë për një medikament që nuk rezulton i regjistruar dhe që nuk është i autorizuar për t’u tregtuar në Shqipëri. Luan Lekli ka marrë rreth 200 tenderë të dyshimtë, me vlerë miliona euro në Shëndetësi.
Mashtrimet e Leklit
Dy bashkëpunimet e fundit të skuadrës Joti-Lekli kapin shifra marramendëse. Më 25 qershor 2019, Enkelejd Joti i ka dhënë me paracaktim dhe pa konkurrencë Luan Leklit një tender me vlerë 740 milionë lekë për furnizimin me medikamentin ‘Velaglucerase Alfa 400 UI’ për shërbimin e pediatrisë. Oferta fituese ishte sa fondi limit.
Në 29 tetor 2020, Enkelejd Joti i ka dhënë një tjetër tender Luan Leklit, sërish për furnizimin e pediatrisë me barin ‘Velaglucerase Alfa 400 UI’, me vlerë 580 milionë lekë. Edhe këtë tender e ka marrë me paracaktim dhe me ofertë sa fondi limit.
Bari ‘Velaglucerase Alfa 400 UI’, për të cilin Luan Lekli ka marrë 1.3 miliardë lekë, nuk rezulton i regjistruar në regjistrin kombëtar të barnave, të paktën deri në momentin kur është firmosur fituesi i tenderit. Pra, bari është futur në mënyrë të paligjshme.
Nisur nga ky fakt lehtësisht i verifikueshëm, më e pakta kemi të bëjmë me një skemë mashtrimi të realizuar nga Luan Lekli dhe Enkelejd Joti, sepse janë xhiruar paratë publike tek subjekti që nuk ka pasur autorizim për tregtimin dhe importimin e medikamentit që është kërkuar në tender. Duket se zakonin e tij po e vazhdon më së miri Albana Fico.
