Një roje është vrarë në një sulm ndaj ambasadës së Azerbajxhanit në Iran, duke shtuar se do të evakuojë stafin e saj diplomatik.
“Sulmuesi depërtoi postën e rojes, duke vrarë shefin e sigurisë me një pushkë kallashnikov”, thuhet në njoftim.
Sulmi i së premtes në Teheran plagosi gjithashtu dy roje, tha ministria e Azerbajxhanit. Një hetim është nisur. Presidenti Ilham Aliyev e quajti sulmin ndaj ambasadës së vendit të tij një “akt terrorist” dhe kërkoi një hetim të shpejtë.
“Ne kërkojmë që ky akt terrorist të hetohet dhe terroristi të dënohet”, tha Aliyev në deklaratë. Ai shtoi se një sulm kundër një misioni diplomatik ishte “i papranueshëm”.
Incidenti vjen mes tensioneve disamujore midis vendeve fqinje. Në një deklaratë të formuluar fort, ministria e Azerbajxhanit tha se një “fushatë anti-Azerbajxhane” e fundit në Iran e kishte inkurajuar të armatosurin. Ai gjithashtu akuzoi autoritetet në Teheran se kanë injoruar prej kohësh thirrjet e Bakut për të forcuar sigurinë në ambasadën e saj.
“Fatkeqësisht, akti i fundit i përgjakshëm terrorist tregon pasojat serioze të dështimit për t’i kushtuar vëmendjen e nevojshme thirrjeve tona të vazhdueshme në këtë drejtim,” tha ai.
Prokurori iranian Mohammad Shahriari tha se tha se gruaja e të armatosurit ishte zhdukur në prill të vitit të kaluar pas një vizite në ambientet e kësaj ambasade dhe kjo mendohet të jetë arsyeja e ndërmarrjes së aktit fatal nga agresori.
