Para zgjedhjeve vendore, kreu i Bashkisë Elbasan, Gledjan Llatja, nuk përmbahet duke shpërdoruar buxhetin në tenderë me shkelje. Latja po bashkëpunon me biznesmenë që njihen si aktorë të aferave të prokurimeve. Këtë herë ka nënshkruar kontratën me biznesmenin Asllan Hastoçi. Bëhet fjalë për tenderin me objekt rikonstruktimin e rrugëve “Azmi Stringa” dhe “10 Korriku”. Ky asfalt elektoral do të kushtojë 145 milionë lekë.
Gara është mbyllur ditën e sotme, ndërkohë që kontratat janë firmosur në shkelje të hapur të ligjit. Në dokumentet e publikuara evidentohet se nuk ka pasur një garë sikur e kërkon ligji i prokurimeve. “HASTOÇI” Sh.p.k dhe “BAJRAMI N.” Sh.p.k kanë qenë dy firmat që kanë shfaqur interes. Në fakt, të dy kompanitë janë të njohura për marrjen e tenderëve pa garë.
Kështu kanë proceduar edhe në këtë rast. “Bajrami N” është skualifikuar menjëherë nga gara, pasi me sa duket fitorja i ishte paracaktuar për “HASTOÇI” shpk. Pasi kjo e fundit mbeti e vetme në garë, megjithëse kishte ofertën më të shtrenjtë, u shpall fituese. Madje, vëmë re se oferta e Hastoçit ishte 143 milionë lekë, pra 98% e fondit limit. Kjo është një tjetër shkelje dhe risk i shtuar nga ana e Bashkisë për fondin e caktuar.
Tenderi ka fituar “Flamurin e Kuq” nga Open Data, prandaj shpresojmë që kjo shenjë abuzimi të vihet re edhe nga SPAK-u.
Kush është “Hastoçi”
Sikur përmendëm më lartë, Asllan Hastoçi është një biznesmen i njohur për bashkëpunimet në korrupsionin me prokurimet. 2.5 miliardë lekë ka përfituar firma e tij vetëm më tenderët në 3 vitet e fundit. Pjesa më e madhe e tyre, të firmosura në shkelje. Por, një nga prokurimet që ka qenë i bujshëm, është tenderi për rikonstruksionin e godinës së policisë në Dibër.
Këtë radhë nuk bëhet fjalë për vlera të vogla, por për plot 3 milion euro! Kjo shifër kaq e lartë mësohet se do të përdoret për rikonstruksion/ndërtim i objekteve të Drejtorisë dhe Komisariatit të Policisë Dibër. Ky tender është nënshkruar pak kohë pasi kishte shpërthyer skandali për tenderin me uniformat e policisë, ku u shoqëruam 9 punonjës të Ministrisë së Brendshme. Tenderi në vetvete ka mjaft pika të dyshimta, çka nënkuptohet se edhe fituesi ishte i paracaktuar. Edhe këtë tender Hastoçi e mori pa garë dhe me fond limit të lartë.
Këto tendera i ka kaluar pa u lagur Hastoçi! Këtë herë rrezikun ia largon kryebashkiaku Llatja, i cili në këtë mandat nuk ka bërë një tender komfort ligjit.
Lexo edhe: Llatja u jep “Vëllezërve Hysa” 1.5 mld lekë për asfaltim rrugicash
Para zgjedhjeve vendore, kreu i Bashkisë Elbasan, Gledjan Llatja, nuk përmbahet duke shpërdoruar buxhetin në tenderë me shkelje. Latja po bashkëpunon me biznesmenë që njihen si aktorë të aferave të prokurimeve. Këtë herë ka nënshkruar kontratën me biznesmenin Asllan Hastoçi. Bëhet fjalë për tenderin me objekt rikonstruktimin e rrugëve “Azmi Stringa” dhe “10 Korriku”. Ky asfalt elektoral do të kushtojë 145 milionë lekë.
Gara është mbyllur ditën e sotme, ndërkohë që kontratat janë firmosur në shkelje të hapur të ligjit. Në dokumentet e publikuara evidentohet se nuk ka pasur një garë sikur e kërkon ligji i prokurimeve. “HASTOÇI” Sh.p.k dhe “BAJRAMI N.” Sh.p.k kanë qenë dy firmat që kanë shfaqur interes. Në fakt, të dy kompanitë janë të njohura për marrjen e tenderëve pa garë.
Kështu kanë proceduar edhe në këtë rast. “Bajrami N” është skualifikuar menjëherë nga gara, pasi me sa duket fitorja i ishte paracaktuar për “HASTOÇI” shpk. Pasi kjo e fundit mbeti e vetme në garë, megjithëse kishte ofertën më të shtrenjtë, u shpall fituese. Madje, vëmë re se oferta e Hastoçit ishte 143 milionë lekë, pra 98% e fondit limit. Kjo është një tjetër shkelje dhe risk i shtuar nga ana e Bashkisë për fondin e caktuar.
Tenderi ka fituar “Flamurin e Kuq” nga Open Data, prandaj shpresojmë që kjo shenjë abuzimi të vihet re edhe nga SPAK-u.
Kush është “Hastoçi”
Sikur përmendëm më lartë, Asllan Hastoçi është një biznesmen i njohur për bashkëpunimet në korrupsionin me prokurimet. 2.5 miliardë lekë ka përfituar firma e tij vetëm më tenderët në 3 vitet e fundit. Pjesa më e madhe e tyre, të firmosura në shkelje. Por, një nga prokurimet që ka qenë i bujshëm, është tenderi për rikonstruksionin e godinës së policisë në Dibër.
Këtë radhë nuk bëhet fjalë për vlera të vogla, por për plot 3 milion euro! Kjo shifër kaq e lartë mësohet se do të përdoret për rikonstruksion/ndërtim i objekteve të Drejtorisë dhe Komisariatit të Policisë Dibër. Ky tender është nënshkruar pak kohë pasi kishte shpërthyer skandali për tenderin me uniformat e policisë, ku u shoqëruam 9 punonjës të Ministrisë së Brendshme. Tenderi në vetvete ka mjaft pika të dyshimta, çka nënkuptohet se edhe fituesi ishte i paracaktuar. Edhe këtë tender Hastoçi e mori pa garë dhe me fond limit të lartë.
Këto tendera i ka kaluar pa u lagur Hastoçi! Këtë herë rrezikun ia largon kryebashkiaku Llatja, i cili në këtë mandat nuk ka bërë një tender komfort ligjit.
Lexo edhe: Llatja u jep “Vëllezërve Hysa” 1.5 mld lekë për asfaltim rrugicash
