Njëzet e katër orë para Ditës Ndërkombëtare të Përkujtimit të Holokaustit, Roma u trondit nga një portret i Hitlerit, të veshur me një fanellë romane verdhekuq.
Persona të paidentifikuar e kanë vendosur portretin ngjitës në stacionet e autobusëve, tabela, sheshe dhe ballkone në zonën midis Piazza Vescovio dhe Corso Trieste, si dhe në periferitë verilindore të Talenti, Montesacro dhe Tufello.
Autoritetet supozojnë se është vepër e tifozëve të Lazios, por befasuese është edhe dita kur ata e kryen këtë lëvizje. Nesër është Dita Ndërkombëtare e Përkujtimit të Holokaustit dhe disa kanë vendosur të mbushin Romën me foton e Hitlerit.
“Portretet me imazhin e Hitlerit me një fanelë të Romës që u shfaqën sot në qytet janë një turp i vërtetë”,- shkroi kryebashkiaku Gualtieri në Twitter, ndërsa theksoi se ato po hiqen menjëherë dhe kanë nisur hetimet për identifikimin e autorëve.
Historia kujton një incident në vitin 2017, kur tifozët e Lazios përdorën ngjitëse antisemitike kundër rivalëve të tyre të AS Romës në seksionin Curva Sud të Stadiumit Olimpik të Romës. Ngjitëset kishin edhe viktimën e Holokaustit, Anne Frank, të veshur me një fanellë të Romës.
The post Trazira në Romë, shfaqet Hitleri te fanella e… appeared first on 27.
