Shkarkohet nga detyra presidenti i Federatës Franceze të Futbollit, Noel Le Graet. Vendimi është marrë nga komiteti i jashtëzakonshëm. Deklarata e fortë e Le Graet, i cili tha pak ditë më parë tha se as nuk do t’ia hapte telefonin Zidane për të biseduar rreth një kandidimi të mundshëm për stolin e Francës, shkaktoi një tërmet.
Më pas ishte agjentja Sonia Soudi që e akuzoi për ngacmim seksual ndërsa në lojë hyri edhe presidenti francez, Emanuel Macron që loboi për shkarkimin e Le Graet.
Sipas të gjitha gjasave, Michel Platini do të jetë kandidati kryesor për të pasuar Le Graet në këtë detyrë.
