Trajneri aktual i kombëtares kroate, Zlatko Dalić , mund të ulet në stolin e një prej skuadrave më të forta të futbollit në botë, Brazilit.
Sipas informacioneve të marra nga “Veçernji list ”, federata braziliane e futbollit është e vetëdijshme se nuk mund ta tërheqin Daliqin me një kontratë bujare miliona dollarëshe, të cilën ai e refuzoi tashmë pas Botërorit në Rusi. Prandaj duan ta “joshin” me premtimin e pjesëmarrjes deri në Kampionatin Botëror.
“Burime nga qarqet menaxheriale” pohojnë se Dalić është shumë interesant për brazilianët dhe ata do të donin ta shihnin në krye të “kariokës”, por trajneri kroat nuk është i interesuar.
Brazili është pesë herë kampion bote, por titullin e fundit e fitoi në vitin 2002 në Japoni dhe Korenë e Jugut, ndërsa Kroacia fitoi medalje në dy Botërorët e fundit – argjendi në Rusi dhe bronzi në Katar.
