Gazetari Lutfi Dervishi ka shkruar një artikull për satelitët Albania 1 dhe Albania 2, që Rama njoftoi se i ka dërguar në hapësirë.
Dervishi shkruan se personazhi Kiko po mediton në lidhje me këta satelitë. Ai mendon se a mundet që këta satelitë të shkurtojnë rrugën për në BE.
Postimi i gazetarit Lutfi Dervishi:
Haberet e Kikos nga Korfuzi për satelitët 1 e 2 në hava
Kur të gjithë e kërkonin në tokë e në qiell dhe autoritetet e shpallën të humbur, Kiko u pa buzë Korfuzit duke bërë atë që shpesh e relakson për t’i ikur dhimbjeve të kokës: Meditim.
Një nga fansat e tij, i shqetësuar nga alarmi që u dha në media, me hapa të ngadaltë u afrua për ta pyetur mbi motivet e këtij largimi të beftë.
“Ika nga debati për “prindin 1 dhe 2 por tani më duhet të sqaroj shqiptarët për satelitin 1 dhe satelitin 2 që sot çanë qiellin ashtu siç ne na është çarë e do na çahet koka me ata që nuk i kuptojnë të mirat që do na vijnë. Pse majmun pa punë jam unë?!”, foli Kiko duke vështruar fansin e tij sy më sy.
Por inatin ai nuk e kishte veç me shqiptarët indiferentë që shpërfillnin shërbimet satelitore, por edhe me disa qeveritarë syleshë që nxituan të thonë plot mburrje se “Shqipëria tani ka satelitë në hapësirë”.
“Mos janë nën efektet e Covid-it?! Mos i ka zënë gjë gripi me temperaturë të lartë të gjithë në një ditë?! Eshtë njëlloj sikur emigrantët që vijnë në Shqipëri për disa ditë pushime dhe marrin një makinë me qera, por të afërmëve ua shesin sikur e kanë të veten makinën. Kaq e thjeshtë është kjo punë!”, – tha Kiko duke hapur të dyja krahët ku vijonte:
“Ti paguan për makinën, por makina nuk është e jotja. Ngritja e satelitëve është ngjarja më e madhe që nga kalimi i kometës Hallej, por shqiptarëve do t’u duhen vite ta kuptojnë se çfarë kanë arritur. Janë shumë rezistentë ndaj reformave në tokë e jo më atyre atje lart në qiell.
Shqiptarëve u mjafton një sy gjumë dhe harrojnë se çfarë ka ndodhur. Kujtojnë se dita nis kur ata hapin sytë… Kaq shpejt e harruan tërmetin e 2019, po zjarret e verës gjatë viteve 2020, 2021, 2022?
Kur të bjerë sërish zjarr apo larg qoftë tërmeti, tani që satelitët janë ngritur në hava, zjarrëfikëset dhe ekipet e shpëtimit nga Kosova, Hollanda, Greqia, Rumania dhe Franca do të njoftohen në kohë reale që të vijnë të na ndihmojnë. Sikur për vetëm për kaq, hallall i paçin këto miliona euro”, tha Kiko.
Rreth tij po mblidheshin edhe kalimtarë të tjerë të kombësive të ndryshme që e dëgjonin. Plot habi për këtë ngjarje të madhe që po ndodhte në Shqipëri, ata kërkonin të dinin më shumë. Dhe Kiko, doemos dha akoma më shumë detaje.
‘Satelitët do të sjellin plot informacione të dobishme dhe të mos harrojmë që informacioni është pushtet. Deri më tani, prej 20 vjetësh, shqiptarët kanë marrë informacion për mbjellljen, kultivimin dhe korrjen e hashashit vetëm nga “Guardia di Financa”. Që nesër e tutje, do të ketë edhe një burim të dytë informacioni të pavarur. Ashtu si në gazetari ku një lajm kërkon së paku dy burime, edhe në biznesin e hashashit, nuk do të ketë më lajme të njëanshme. E çfarë janë disa miliona euro, para një burimi të besueshëm? Asgjë prej gjëje.
Shqipëria renditet në vendin e fundit në Europë për nivelin e perceptimit të korrupsionit por kjo do të përmirësohet me hapa galopantë. Tani e tutje për aktet korruptive qofshin në formë shkresore dhe të strukturuar si rasti i incineratorëve, qofshin në formë bajate si bakshishet te mjekët/inspektorët/policët, koordinatorët antikorrupsion që janë ngritur pranë çdo ministrie do të njoftohen në kohë reale. Ditë të zeza po afrohen për korrupsionin në përgjithësi dhe ditë skëterrë po vijnë për ndërtuesit që kanë marrë guximin dhe kanë ndërtuar pa leje edhe në mes të sheshit “Skënderbej” në Tiranë. Sateliti jo vetëm që do të njoftojë në kohë reale çdo 70 cm që lartësohet, por edhe do të këshillojë ndërtuesit që të kenë kujdes nga zjarri, nga uji dhe nga satelitet 1 e 2. Jo miliona, por qindra milionë euro të shpenzosh në luftë kundër informalitetit dhe korrupsionit ja vlen që ç’ke me të.
Me satelitët 1 dhe 2 në hava, nuk ka nevojë të bëhet census. Të numërosh sa njerëz dhe sa prona kanë mbetur në këtë vend. Brenda pak minutash çdo gjë do të jetë e qartë si drita e diellit.
Por ndihmën më të madhe satelitetët do ta japin nga kantieret ku punohet natë e ditë. Ministrat dhe ekipet e xhirimit do të kursejnë dhjetëra orë pune se nuk do të kenë më nevojë të jenë në terren për të njoftuar veprat e shekullit. Satelitët çdo mëngjes do të prodhojnë foto dhe video nga puna e madhe që bëhet natën dhe përmes një aplikacioni do të postojnë direkt në rrjetet sociale të ministrave arritjet e 24 orëve të fundit që sigurisht janë të pafundme, por për shkak të mungesës së kohës deri më tani askush nuk ka patur mundësi t’i shohë. Sikur vetëm këtë shërbim të bëjnë satelitët 1 e 2 dhe hallall milionat. Kursehet më shumë se karburanti dhe orët e shpenzuara për inspektime. Sigurisht që çdo gjë që është prodhim njerëzor ka edhe kufizimet e veta. Satelitët psh nuk japin dot informacion për shqiptarët që kalojnë La Manshin apo edhe për ato që ikin dhe kërkojnë azil. Por besohet gjerësisht se ky numër do të pësojë rënie drastike tani që satelitët do të ndriçojnë çdo transformim rrënjësor që është bërë dhe po bëhet në këtë vend”, tha Kiko.
Të gjithë të pranishmit e duartrokitën ligjërimin e tij. Natyrisht, këto vinin nga 1 majmun me aftësi të veçanta që botën e ka parë nga lart syfluturimthi.
Ai kishte vetëm një shqetësim dhe një pyetje kardinale:
Shqetësimi: Kur informacioni të vijë nga lart dhe të mbërrijë poshtë në Shqipëri kush do të ketë më parë akses në to, zyrtarët shqiptarë apo hakerat iranianë?
Pyetja: A e shkurtojnë satelitët rrugën për në BE?
Gazetari Lutfi Dervishi ka shkruar një artikull për satelitët Albania 1 dhe Albania 2, që Rama njoftoi se i ka dërguar në hapësirë.
Dervishi shkruan se personazhi Kiko po mediton në lidhje me këta satelitë. Ai mendon se a mundet që këta satelitë të shkurtojnë rrugën për në BE.
Postimi i gazetarit Lutfi Dervishi:
Haberet e Kikos nga Korfuzi për satelitët 1 e 2 në hava
Kur të gjithë e kërkonin në tokë e në qiell dhe autoritetet e shpallën të humbur, Kiko u pa buzë Korfuzit duke bërë atë që shpesh e relakson për t’i ikur dhimbjeve të kokës: Meditim.
Një nga fansat e tij, i shqetësuar nga alarmi që u dha në media, me hapa të ngadaltë u afrua për ta pyetur mbi motivet e këtij largimi të beftë.
“Ika nga debati për “prindin 1 dhe 2 por tani më duhet të sqaroj shqiptarët për satelitin 1 dhe satelitin 2 që sot çanë qiellin ashtu siç ne na është çarë e do na çahet koka me ata që nuk i kuptojnë të mirat që do na vijnë. Pse majmun pa punë jam unë?!”, foli Kiko duke vështruar fansin e tij sy më sy.
Por inatin ai nuk e kishte veç me shqiptarët indiferentë që shpërfillnin shërbimet satelitore, por edhe me disa qeveritarë syleshë që nxituan të thonë plot mburrje se “Shqipëria tani ka satelitë në hapësirë”.
“Mos janë nën efektet e Covid-it?! Mos i ka zënë gjë gripi me temperaturë të lartë të gjithë në një ditë?! Eshtë njëlloj sikur emigrantët që vijnë në Shqipëri për disa ditë pushime dhe marrin një makinë me qera, por të afërmëve ua shesin sikur e kanë të veten makinën. Kaq e thjeshtë është kjo punë!”, – tha Kiko duke hapur të dyja krahët ku vijonte:
“Ti paguan për makinën, por makina nuk është e jotja. Ngritja e satelitëve është ngjarja më e madhe që nga kalimi i kometës Hallej, por shqiptarëve do t’u duhen vite ta kuptojnë se çfarë kanë arritur. Janë shumë rezistentë ndaj reformave në tokë e jo më atyre atje lart në qiell.
Shqiptarëve u mjafton një sy gjumë dhe harrojnë se çfarë ka ndodhur. Kujtojnë se dita nis kur ata hapin sytë… Kaq shpejt e harruan tërmetin e 2019, po zjarret e verës gjatë viteve 2020, 2021, 2022?
Kur të bjerë sërish zjarr apo larg qoftë tërmeti, tani që satelitët janë ngritur në hava, zjarrëfikëset dhe ekipet e shpëtimit nga Kosova, Hollanda, Greqia, Rumania dhe Franca do të njoftohen në kohë reale që të vijnë të na ndihmojnë. Sikur për vetëm për kaq, hallall i paçin këto miliona euro”, tha Kiko.
Rreth tij po mblidheshin edhe kalimtarë të tjerë të kombësive të ndryshme që e dëgjonin. Plot habi për këtë ngjarje të madhe që po ndodhte në Shqipëri, ata kërkonin të dinin më shumë. Dhe Kiko, doemos dha akoma më shumë detaje.
‘Satelitët do të sjellin plot informacione të dobishme dhe të mos harrojmë që informacioni është pushtet. Deri më tani, prej 20 vjetësh, shqiptarët kanë marrë informacion për mbjellljen, kultivimin dhe korrjen e hashashit vetëm nga “Guardia di Financa”. Që nesër e tutje, do të ketë edhe një burim të dytë informacioni të pavarur. Ashtu si në gazetari ku një lajm kërkon së paku dy burime, edhe në biznesin e hashashit, nuk do të ketë më lajme të njëanshme. E çfarë janë disa miliona euro, para një burimi të besueshëm? Asgjë prej gjëje.
Shqipëria renditet në vendin e fundit në Europë për nivelin e perceptimit të korrupsionit por kjo do të përmirësohet me hapa galopantë. Tani e tutje për aktet korruptive qofshin në formë shkresore dhe të strukturuar si rasti i incineratorëve, qofshin në formë bajate si bakshishet te mjekët/inspektorët/policët, koordinatorët antikorrupsion që janë ngritur pranë çdo ministrie do të njoftohen në kohë reale. Ditë të zeza po afrohen për korrupsionin në përgjithësi dhe ditë skëterrë po vijnë për ndërtuesit që kanë marrë guximin dhe kanë ndërtuar pa leje edhe në mes të sheshit “Skënderbej” në Tiranë. Sateliti jo vetëm që do të njoftojë në kohë reale çdo 70 cm që lartësohet, por edhe do të këshillojë ndërtuesit që të kenë kujdes nga zjarri, nga uji dhe nga satelitet 1 e 2. Jo miliona, por qindra milionë euro të shpenzosh në luftë kundër informalitetit dhe korrupsionit ja vlen që ç’ke me të.
Me satelitët 1 dhe 2 në hava, nuk ka nevojë të bëhet census. Të numërosh sa njerëz dhe sa prona kanë mbetur në këtë vend. Brenda pak minutash çdo gjë do të jetë e qartë si drita e diellit.
Por ndihmën më të madhe satelitetët do ta japin nga kantieret ku punohet natë e ditë. Ministrat dhe ekipet e xhirimit do të kursejnë dhjetëra orë pune se nuk do të kenë më nevojë të jenë në terren për të njoftuar veprat e shekullit. Satelitët çdo mëngjes do të prodhojnë foto dhe video nga puna e madhe që bëhet natën dhe përmes një aplikacioni do të postojnë direkt në rrjetet sociale të ministrave arritjet e 24 orëve të fundit që sigurisht janë të pafundme, por për shkak të mungesës së kohës deri më tani askush nuk ka patur mundësi t’i shohë. Sikur vetëm këtë shërbim të bëjnë satelitët 1 e 2 dhe hallall milionat. Kursehet më shumë se karburanti dhe orët e shpenzuara për inspektime. Sigurisht që çdo gjë që është prodhim njerëzor ka edhe kufizimet e veta. Satelitët psh nuk japin dot informacion për shqiptarët që kalojnë La Manshin apo edhe për ato që ikin dhe kërkojnë azil. Por besohet gjerësisht se ky numër do të pësojë rënie drastike tani që satelitët do të ndriçojnë çdo transformim rrënjësor që është bërë dhe po bëhet në këtë vend”, tha Kiko.
Të gjithë të pranishmit e duartrokitën ligjërimin e tij. Natyrisht, këto vinin nga 1 majmun me aftësi të veçanta që botën e ka parë nga lart syfluturimthi.
Ai kishte vetëm një shqetësim dhe një pyetje kardinale:
Shqetësimi: Kur informacioni të vijë nga lart dhe të mbërrijë poshtë në Shqipëri kush do të ketë më parë akses në to, zyrtarët shqiptarë apo hakerat iranianë?
Pyetja: A e shkurtojnë satelitët rrugën për në BE?
