Një i ri ka humbur jetën ndërsa dy të tjerë mbetën të lënduar, për shkak të një zjarri që përfshiu gjatë natës një qendër komunitare për djem në Santa Caterina di Pasian, në Prato (Udine).
Viktima është një 17-vjeçar shqiptar, identiteti i të cilit nuk bëhet i ditur. Ndërsa të lënduar kanë mbetur një punonjës dhe një 16-vjeçar nga Gana, i cili është në gjendje të rëndë u transportua me helikopter drejt spitalit të Veronës.
Michele Lisco, përgjegjësi i komunitetit për të rinj ku ndodhi zjarri, u shpreh se: “Jemi të gjithë të tronditur. Momentalisht po përpiqemi të kuptojmë cilat kanë qenë shkaqet e rënies së zjarrit”.
“Dëgjuam britma gjatë natës, dolëm dhe godina ishte e mbuluar nga tymi. Dëgjonim ulërimat e djemve, por nuk ndërhynim dot. Pati nga ata që u hodhën dhe nga dritarja”, rrëfen vajza e përgjegjësit, Lucrezia Lisco. Ajo flinte në një apartament pranë godinës dhe u zgjua nga britmat e të rinjve që qëndronin në qendër. “Jemi të tronditur, nuk e dimë se çfarë ka ndodhur”, shtoi ajo.
Hetimet për ngjarjen po zhvillohen nga Karabinierët e Udines.
The post “Dëgjonim ulërima“/ Detajet nga vdekja e 17-vjeçarit shqiptarë appeared first on 27.
