Autoritetet greke u lajmëruan kur numri i emergjencave mori një telefonatë nga një 15-vjeçar – megjithëse raportet fillestare thanë se ishte një 16-vjeçar – i cili tha se donte t’i jepte fund jetës së tij duke i mbyllur menjëherë telefonin.
Pas telefonatës është vënë në dijeni zjarrfikësja dhe policia, personat e së cilës kanë mbërritur në vilën në rrugën “Pelopos” në Paleo Faliro nga e cila është bërë telefonata.
Sipas informacioneve, 15-vjeçari është gjetur në katin e 1-rë të shtëpisë, konkretisht në tualet, i plagosur rëndë në kokë me armë zjarri, ndërsa informacionet flasin për dy të shtëna nga i riu.
I riu u dërgua me ambulancën e EKAB-it në spitalin Evangelismos për të trajtuar sa më parë traumën, ndërsa mjekët e cilësuan gjendjen e tij si shumë kritike.
Sipas të njëjtave informacione, 15-vjeçari kishte përdorur armën 9-gamesh në pronësi të ligjshme të babait të tij, i cili dyshohet se ka qenë ai që ka hapur derën për policinë teksa ndodhej në katin përdhes të shtëpisë.
