Zëvendës kryeministri Niko Peleshi në një aktivitet të zhvilluar në qytetin e Durrësit për ekstremizmin dhe terrorizmin u shpreh se do të fillojë zbatimi i një projekti pilot për bashkëjetesën fetare, por edhe përgatitjen e të rinjve për të përballuar presionet ekstremiste.
Peleshi theksoi se arma më e fortë për t’i luftuar ekstremizmin e dhunshëm dhe terrorizmin është narativa dhe se është një sfidë e madhe të konkurrohet oferta e errët e ekstremizmit me ofertën për arsim dhe punësim.
Peleshi: “Në disa shkolla të vendit do të fillojë zbatimi i një projekt pilot për bashkëjetesën fetare, por edhe përgatitjen e të rinjve për të përballuar presionet ekstremiste. Sfida e madhe është që ta konkurrojmë ofertën e errët ekstremistë me ofertën tonë të re të arsimit porfesional.
Pra narativa për të rinjtë, ajo është arma më e fortë kundër ekstremizmit dhe terrorizmit. Ne duhet ti ofrojmë çdo të riu axhendën, për ditën muajin, vitin dhe jetën. Pra ti ofrojmë një narativë për të ardhemen. Gratë përbëjnë kategorinë që varet suksesi i këtij ballafaqimi ato ashtu si dhe mësuesit kanë rol vendimatr në edukimin e brezit të tri dhe mbajtjen e të rinjve larg ekstremismit.”
