Pas situatës së tensionuar në veri të Kosovës, presidenti i Serbisë Aleksandar Vuçiç ka deklaruar se nuk do të ketë dorëzim. Sipas tij, mënyra e vetme për të normalizuar marrëdheniet mes palëve , është respektimi i të drejtave dhe lirive të serbëve.
“Mesazhi për të gjithë të tjerët është që të formohet Asociacioni [i komunave me shumicë serbe], të respektohen të drejtat dhe liritë e serbëve dhe të sillen në përputhje me marrëveshjet e nënshkruara dhe të drejtën ndërkombëtare, sepse kjo është mënyra e vetme për të filluar normalizimin e marrëdhënieve”, shkroi ai në Instagram.
Vuçiç shtoi se autoritetet në Serbi do të vazhdojnë “luftën për paqe me të gjitha mjetet ligjore”.
