Zëvendëskryeministri dhe ministri i Punëve të Jashtme të Italisë, Antonio Tajani, ka thënë se ditën e sotme ka telefonuar kryeminsitrin e Kosovës Albin Kurti si dhe presidentin serb Aleksandër Vuçiç, në lidhje me zhvillimet në veri.
Në një postim në Twitter, Tajani u shpreh se i ka kërkuar të dy liderëve që të shmangin veprimet e njëanshme dhe përkeqësimin e situatës mes dy vendeve.
“Tensionet në veri të Kosovës rrezikojnë stabilitetin në rajon. I telefonova presidentit Vuçiç dhe kryeministrit Kurti, duke iu kërkuar që të shmangin veprimet e njëanshme. Italia dëshiron të jetë protagoniste e paqes në Ballkan. Le të nxisim dialogun mes Beogradit dhe Prishtinës”, ka shkruar Tajani në Twitter.
Tajani thekson se tensionet që kanë pushtuar veriun e Kosovës po rrezikojnë stabilitetin në rajonin e Ballkanit dhe bëri sërish thirrje për dialog.
