Policia greke në Selanik ka arrestuar një 39 vjeçar shqiptar. Kjo pasi shtetasit në fjalë iu gjetën dhe sekuestruan rreth 300 gram kokainë dhe mbi 30 mijë euro. Ai ishte liruar pak kohë më parë nga burgu pasi akuzohej për trafik të lëndëve narkotike.
Gjatë hetimeve policore të kryera në shtëpinë e tij dhe në një magazinë që përdorte, u gjetën edhe një pistoletë bashkë me 36 gëzhoja, pako me lëndë medicinale për përzierien e drogës dhe dy peshore elektronike precize.
Gjithashtu u sekuestrua një automjet i përdorur si mjet për trafik droge. I arrestuari me kallëzimin penal të ngritur ndaj tij, u dërgua në Prokurorinë e Shkallës së Parë Selanik dhe u referua në hetues.
